Ku itariki ya 27 Nzeri 2022, inkubi y’umuyaga yiswe Ian yangije ibintu byinshi muri Kiba, nyuma yaho imvura nyinshi ivanze n’umuyaga yibasiye Amajyepfo y’Iburengerazuba bwa Folorida. Inkubi y’umuyaga Ian iri mu nkubi z’imiyaga zikomeye zibasiye Leta Zunze Ubumwe za Amerika. Iyo nkubi y’umuyaga yari ifite umuvuduko wa kilometero 240 ku isaha. Yashenye ibintu byinshi mu duce two muri Folorida. Iyo nkubi yatumye abantu benshi babura umuriro w’amashanyarazi, ibikorwa remezo birangirika kandi yateje umwuzure ahantu hanini muri Amerika ikomeza yerekeza ku nyanja ya Atalantika. Nanone yibasiye Karolina y’Amajyepfo.

Iyo nkubi y’umuyaga ikaze yatumye ababwiriza barenga 12.000 bo muri Folorida bava mu byabo.

Abagenzuzi b’uturere barimo gukorana n’abahagarariye Urwego Rushinzwe Ubwubatsi n’Ibishushanyo mbonera kugira ngo bafashe abasaza b’amatorero mu kwita ku byo ababwiriza bagezweho n’ingaruka z’iyo nkubi bakeneye.

Kiba

• Tubabajwe nuko hari umuvandimwe 1 wapfuye

• Abavandimwe 2 barakomeretse bidakabije

• Amazu 300 yarangiritse byoroheje

• Amazu 491 yarangiritse cyane

• Amazu 63 yarasenyutse

• Ahantu 40 hakorerwa amateraniro harangiritse cyane

• Ahantu 1 bakoreraga amakoraniro harangiritse byoroheje

• Ahantu 3 bakoreraga amakoraniro harangiritse cyane

Folorida

• Nta Muvandimwe cyangwa mushiki wacu wishwe n’iyo nkubi

• Ababwiriza 2 barakomeretse bidakabije

• Ababwiriza 5.874 bavanywe mu byabo ntibarasubira mu ngo zabo

• Amazu 1.559 yarangiritse bidakabije

• Amazu 367 yarangiritse cyane

• Amazu 47 yarasenyutse

• Amazu 329 amaze gukorerwa isuku

• Ubu hamaze gusanwa amazu 71

• Inyubako 38 z’Abahamya ba Yehova zarangiritse bidakomeye

• Inzu 1 y’Ubwami yarangiritse cyane

• Inzu 1 y’Amakoraniro yarangiritse cyane

Karolina y’Amajyepfo

• Nta Muhamya wahitanywe cyangwa ngo yicwe n’iyo nkubi y’umuyaga

• Ababwiriza 35 bavanywe mu byabo

• Amazu 13 yarangiritse bidakabije

• Abagenzuzi b’uturere hamwe n’abasaza b’amatorero barimo gusura abagize imiryango yagezweho n’ingaruka z’iyo nkubi kugira ngo babahumurize kandi babahe imfashanyo

• Hashyizweho ibigo by’ubutabazi by’agateganyo bigera kuri 14 ku muhanda uva muri Folorida, kugira ngo bifashe abavandimwe na bashiki bacu

• Hashyizweho Komite Zishinzwe Ubutabazi muri Folorida no muri Kiba kugira ngo zigenzure ibikorwa by’ubutabazi

• Ibikorwa by’ubutabazi byose bikorwa ari na ko hubahirizwa amabwiriza yo kwirinda COVID-19

Mu gihe hakomeje gukorwa ibishoboka byose ngo abavandimwe bacu bahuye n’icyo kiza bitabweho, twibonera ko ibyo umwanditsi wa Zaburi yavuze ari ukuri. Yaravuze ati: “Uwiringira Yehova azagotwa n’ineza yuje urukundo.”—Zaburi 32:10.