4 KAMENA 2014
AMAKURU YO KU ISI HOSE
Abahamya ba Yehova bagiye gutangira amakoraniro mpuzamahanga
NEW YORK—Amakoraniro mpuzamahanga y’Abahamya ba Yehova afite umutwe uvuga ngo “Mukomeze mushake mbere na mbere Ubwami bw’Imana” agiye gutangira. Irya mbere rizabera Ford Field, Detroit, muri leta ya Michigan, muri Amerika ku tariki ya 6 Kamena 2014. Ibiganiro bimwe na bimwe bizatangwa muri iryo koraniro, bizakurikiranwa n’abazaba bari mu bindi bice, urugero nko muri Arizona, Kaliforuniya, Floride, Illinois, Missouri, New Jersey no muri Caroline du Nord. Nanone kandi, ibyo biganiro bizahindurwa mu rurimi rw’ikinyalubaniya, igikoreya, igipolonye n’igiporutugali.
J. R. Brown, umuvugizi w’Abahamya ba Yehova ku cyicaro cyabo gikuru kiri i Brooklyn, muri leta ya New York, yagize ati “hashize ibyumweru bisaga bitatu Abahamya bo muri Detroit n’abo mu migi izakurikirana ikoraniro kuri videwo batumira abaturanyi babo kugira ngo bazaze muri ibi birori bidasanzwe. Hano i Detroit, twiteze ko hazaza abantu baturutse imihanda yose bagera ku 45.000, hakubiyemo n’abantu basaga 2.000 bazaza baturutse muri Ositaraliya, muri Kanada, mu Budage no muri Tayiwani.”
Muri iyi mpeshyi, Abahamya bo muri Leta Zunze Ubumwe za Amerika bazagira amakoraniro mpuzamahanga 16; azabera kuri za sitade nini zo muri leta icumi. Hari aho abazaba bari muri ayo makoraniro bazakurikira porogaramu y’ikoraniro, yaba yose uko yakabaye cyangwa ibice byayo, mu ndimi zikurikira: ikinyalubaniya, ururimi rw’amarenga rw’urunyamerika, icyarabu, ikinyarumeniya, igikanto, igicuki, igifaransa, ikigiriki, igikerewole cyo muri Hayiti, igihindi, ikiloko, ikinyandoneziya, igitaliyani, ikiyapani, igikoreya, ikimandare, ururimi ruvugwa mu birwa bya Marshall, igiperesi, igipolonye, ikinyarumaniya, ikirusiya, igisamowa, icyesipanyoli, igitagaloge, igitwi n’ikiviyetinamu. Guhera muri Kamena 2014 kugeza muri 2015, Abahamya bazagira amakoraniro mpuzamahanga azabera muri Ekwateri, muri Koreya y’Epfo, muri Megizike, muri Ositaraliya, mu Budage, mu Bugiriki, mu Bwongereza no muri Zimbabwe.
Ushinzwe amakuru:
Ku rwego mpuzamahanga: J. R. Brown, wo mu rwego rushinzwe amakuru, tel. +1 718 560 5000
Ibindi wamenya
AMAKURU
Amakoraniro mpuzamahanga y’Abahamya ba Yehova azabera hirya no hino ku isi
Guhera muri Kamena 2014 kugeza muri Mutarama 2015, Abahamya ba Yehova bazagira amakoraniro mpuzamahanga y’iminsi itatu azabera mu bihugu icyenda.
AMAKURU
Ikoraniro Mpuzamahanga: Abahamya ba Yehova bagize amakoraniro atazibagirana yabereye muri sitade ya MetLife
Muri Kamena 2014, abantu buzuye sitade ya MetLife, muri East Rutherford, mu ikoraniro mpuzamahanga ryari rifite umutwe uvuga ngo “Mukomeze mushake mbere na mbere Ubwami bw’Imana.” Hari ku itariki ya 20-22 Kamena no ku itariki ya 27-29 Kamena 2014.
AMAKURU
Amakoraniro mpuzamahanga: Abahamya ba Yehova muri sitade y’imikino ya Olempiki
Ikoraniro mpuzamahanga rifite umutwe uvuga ngo “Mukomeze mushake mbere na mbere Ubwami bw’Imana” ryabereye muri sitade yabereyemo imikino ya olempiki muri 2004.
AMAKURU
Amakoraniro mpuzamahanga: Abahamya basohoye Bibiliya mu ikoraniro ryabereye i Séoul
Mu ikoraniro mpuzamahanga ryabereye i Séoul muri Koreya ryari rifite umutwe uvuga ngo “Mukomeze mushake mbere na mbere Ubwami bw’Imana,” Abahamya ba Yehova batangaje ko hasohotse Bibiliya—Ubuhinduzi bw’isi nshya ivuguruye iri mu rurimi rw’igikoreya.
ABO TURI BO
Uzaze mu ikoraniro ry’Abahamya ba Yehova 2024 —‘Mutangaze ubutumwa bwiza’
Twishimiye kugutumira mu ikoraniro ry’iminsi itatu ry’Abahamya ba Yehova ryo muri uyu mwaka.
AMAKORANIRO
Videwo: Raporo y’amakoraniro mpuzamahanga
Abahamya bagiriye amakoraniro manini mu migi imwe n’imwe yo hirya no hino ku isi.