Kuva ku itariki ya 7 Ukwakira 2023, muri Isirayeli no muri Gaza hatangiye imirwano ikaze n’urugomo rukomeye. Hamaze guhunga abantu babarirwa mu bihumbi amagana. Raporo zigaragaza ko ugereranyije hamaze gupfa abantu 4.200.

• Nta muvandimwe cyangwa mushiki wacu wapfuye cyangwa ngo akomereke

• Ababwiriza 93 bakuwe mu byabo

• Inzu 3 zarangiritse bidakabije

• Nta Nzu y’Ubwami n’imwe yangiritse

• Abagenzuzi basura amatorero n’abasaza b’amatorero, bari guhumuriza kandi bagafasha abagezweho n’ingaru z’iyi ntambara

• Hashyizweho Komite Ishinzwe Ubutabazi, kugira ngo iyobore ibikorwa by’ubutabazi

Abavandimwe bo mu duce twagezemo iyi ntambara bari gukora uko bashoboye kose ngo bakomeze gukorera Yehova. Bakomeje guterana bakoresheje ikoranabuhanga rya videwo. Hari umugenzuzi usura amatorero wavuze ati: “Kubera uko ibintu bihinduka umunsi ku munsi, biteye inkunga kubona uburyo abavandimwe na bashiki bacu bakomeje kuba indahemuka no kugaragarizanya urukundo ruzira uburyarya.”

Dutegerezanyije amatsiko isohozwa ry’isezerano ryo muri Bibiliya rigira riti: “Akuraho intambara kugeza ku mpera z’isi.”—Zaburi 46:9.