Ku itariki ya 30 Mutarama 2017, urukiko rwo mu mugi wa Astana rwanze ubujurire bwasabaga ko Teymur Akhmedov na Asaf Guliyev bafungurwa. Abo Bahamya bafashwe ku itariki ya 18 Mutarama, bazira kubwiriza itsinda ry’abantu bigiraga nk’aho bashishikajwe n’inyigisho z’Abahamya ba Yehova. Abo Bahamya bombi baregwa “kubiba urwango rushingiye ku idini” no “kuvuga ko idini ryabo riruta ayandi.” Urukiko nta mpamvu n’imwe rwigeze rutanga ituma baguma muri gereza.

Ubu abo Bahamya barafunzwe kandi ntibashobora kujuririra icyo gifungo. Bazakomeza gufungwa by’agateganyo kugeza igihe iperereza ku byaha bakurikiranyweho rizaba rirangiye. Baramutse bahamwe n’ibyaha, bashobora gukatirwa igifungo k’imyaka iri y’itanu n’icumi.