3 KAMENA 2021
KONGO-KINSHASA
Muri Kongo Kinshasa hasohotse Bibiliya y’Ubuhinduzi bw’isi nshya y’Ibyanditswe by’Ikigiriki bya Gikristo mu rurimi rw’Ikiluru
Ku itariki ya 30 Gicurasi 2021, hasohotse Bibiliya y’Ubuhinduzi bw’isi nshya y’Ibyanditswe by’Ikigiriki bya Gikristo mu rurimi rw’Ikiluru. Umuvandimwe Hugues Kabitshwa, uri muri Komite y’Ibiro by’Ishami bya Kongo Kinshasa ni we watangaje ko iyo Bibiliya yasohotse mu buryo bwa eregitoronike, muri disikuru yafashwe mbere y’igihe.
Icyo twavuga kuri uyu mushinga
Ikiluru ni ururimi ruvugwa muri Afurika yo hagati cyanecyane mu majyaruguru y’iburasirazuba bwa Kongo Kinshasa no muri Uganda
Ugereranyije Ikiluru kivugwa n’abantu bagera kuri 1 735 000
Ababwiriza barenga 1 500 bari mu matorero n’amatsinda agera kuri 48 akoresha ururimi rw’Ikiluru
Abahinduzi 6 bamaze umwaka bahindura iyo Bibiliya
Umuvandimwe Christian Belotti, uri muri Komite y’Ibiro by’Ishami bya Kongo Kinshasa yaravuze ati: “Ababwiriza bavuga Ikiluru bazishimira gusoma iyi Bibiliya. Izabafasha gusobanura neza Ibyanditswe, gufasha abandi gusobanukirwa no gukunda Ijambo ry’Imana.”—Luka 24:32.
Twiringiye ko iyi Bibiliya izafasha abavandimwe na bashiki bacu gukomeza gutangaza “ubutumwa bwiza bw’iteka.”—Ibyahishuwe 14:6.
Ibindi wamenya
IBIBAZO ABANTU BAKUNZE KWIBAZA
Ese Abahamya ba Yehova bagira Bibiliya yabo?
Gusoma Bibiliya zitandukanye bishobora gutuma urushaho gusobanukirwa Ibyanditswe. Ibintu bitatu byihariye byagombye gutuma ukoresha na Bibiliya y’Ubuhinduzi bw’isi nshya mu gihe wiyigisha.
UKO IMPANO UTANGA ZIKORESHWA
Guhindura no gucapa igitabo k’ingenzi kurusha ibindi
Imirimo yo guhindura, gucapa no guteranya Bibiliya y’Ubuhinduzi bw’isi nshya, ikubiyemo ibintu byinshi kurusha uko ubitekereza.