Ku itariki ya 8 Kanama 2023, umuyaga ukaze uvuye mu nyanja watumye inkongi y’umuriro yibasira ikirwa cya Maui akaba ari na cyo kirwa cya kabiri mu bunini mu bigize ibirwa bya Hawayi, byo muri Amerika. Iyo nkongi y’umuriro yangije ibikoresho by’itumanaho, amazu y’abaturage n’inzu z’ubucuruzi. Mu duce tumwe na tumwe abayobozi basabye abaturage guhunga. Ugereranyije hamaze gupfa abantu 97. Nanone abashinzwe kuzimya inkongi y’umuriro barimo gukora uko bashoboye kugira ngo bazimye izindi nkongi z’umuriro zibasiye ikirwa kinini mu bigize Hawayi.

Amakuru akurikira ni ayatanzwe n’abavandimwe bo kuri icyo kirwa, bikimara kuba.

• Tubabajwe n’uko hari umuvandimwe wacu ugeze mu zabukuru wishwe n’iyo nkongi y’umuriro

• Ababwiriza 307 bavanywe mu byabo

• Amazu 42 yarasenyutse

• Amazu 2 yarangiritse cyane

• Amazu 38 yarangiritse bidakabije

• Inzu y’Ubwami 1 yarangiritse bidakabije

• Abagenzuzi b’uturere hamwe n’abasaza b’amatorero ari mu duce twagezweho n’iyo nkongi, barimo guhumuriza abagezweho n’ibyo biza bakoresheje Ijambo ry’Imana kandi bakabafasha

• Hashyizweho Komite Ishinzwe Ubutabazi ngo igenzure ibikorwa by’ubutabazi

Dutegerezanyije amatsiko igihe Ubwami bw’Imana buzakuraho ibiza biterwa n’ihindagurika ry’ibihe, bituma muri iyi minsi y’imperuka abantu benshi harimo n’abavandimwe na bashiki bacu bahura n’ibibazo.—Mariko 4:39.