Muri leta ya Arikansasi, Misisipi, Luwiziyana no mu ya Tegizasi

• Ku itariki ya 27 Kanama 2020 inkubi y’umuyaga n’imvura yiswe Laura yateje inkangu mu burengerazuba bwa leta ya Luwiziyana. Umuyaga wangije ibintu byinshi kandi utuma amashanyarazi abura ahantu henshi

• Twababajwe n’uko hari mushiki wacu ugeze mu zabukuru wapfuye igihe yahungishwaga

• Hari na mushiki wacu wakomeretse bidakabije

• Ababwiriza bagera kuri 3.992 bakuwe mu byabo

• Amazu 10 y’abavandimwe yarasenyutse

• Amazu 95 y’abantu ku giti cyabo n’Amazu y’Ubwami 4 yarangiritse cyane

• Amazu 192 y’abantu ku giti cyabo n’Amazu y’Ubwami 16 yarangiritse bidakabije

• Ibiro by’ishami bya Leta Zunze Ubumwe za Amerika byashyizeho komite ishinzwe ubutabazi

• Abagenzuzi b’uturere n’abasaza b’amatorero bakomeje gufasha abavanywe mu byabo kubona aho baba

• Abahamya bo mu duce two hafi aho bakiriye mu ngo za bo abavanywe mu byabo ari na ko bubahiriza amabwiriza yo kwirinda icyorezo cya koronavirusi. Umuhamya wafashijwe kubona aho kuba yaravuze ati: “Ibi bitwereka ko Yehova aduha imigisha.”

Abahamya bo mu duce twagezweho n’icyo kiza, bagaragaza ko ari ‘abakozi b’Imana’ bumvira ubuyobozi bahabwa kandi bagafasha abandi.—2 Abakorinto 6:4.