22 GICURASI 2015
MEGIZIKE
Abahamya ba Yehova batumiwe mu imurika ry’ibitabo ryahuje ibihugu bivuga icyesipanyoli
UMUGI WA MEXICO—Abahamya ba Yehova batumiwe mu imurika mpuzamahanga ry’ibitabo ryabereye mu mugi wa Guadalajara. Iryo ni ryo murika rinini ku isi ryahuje ibihugu bivuga icyesipanyoli kandi ni ryo murika ry’ibitabo rya kabiri ku isi nyuma y’iryabereye i Frankfurt mu Budage. Iryo murika ryabereye mu mugi wa Guadalajara muri Megizike, ku itariki ya 29 Ugushyingo kugeza ku itariki ya 7 Ukuboza 2014, kandi ryitabiriwe n’abantu 760.000.
Hatanzwe ibitabo bisaga 4.000 by’imibumbe yombi y’igitabo Ibibazo urubyiruko rwibaza n’ibisubizo byabyo.
Muri iryo murika harimo utuzu 1.900 tw’abantu baturutse mu bihugu 44. Abahamya ba Yehova na bo bari bafite akazu bamurikiragamo Bibiliya n’ibitabo by’imfashanyigisho zayo. Muri ibyo bitabo harimo ibivuga iby’imiryango, urubyiruko n’abana.
Gamaliel Camarillo, umuvugizi w’Abahamya ba Yehova muri Megizike, yaravuze ati “mu minsi ine iryo murika ryamaze, twasuwe n’abantu basaga 10.000 kandi dutanga ibitabo bigera ku 29.000 ku buntu. Icyakora, intego yacu si iyo gutanga ibitabo gusa. Ibitabo byacu n’amagazeti birimo inama z’ingirakamaro zo muri Bibiliya kandi buri munsi zifasha abantu babarirwa muri za miriyoni.”
Ushinzwe amakuru:
Ku rwego mpuzamahanga: J. R. Brown, Ibiro Bishinzwe Amakuru, tel. +1 718 560 5000
Megizike: Gamaliel Camarillo, tel. +52 555 133 3048
Ibindi wamenya
AMAKURU
Abahamya ba Yehova mu imurika ry’ibitabo ryabereye mu mugi wa Mexico mu mwaka wa 2014
Abahamya ba Yehova bamuritse ibitabo bitandukanye, amagazeti na videwo bishingiye kuri Bibiliya, mu imurika ry’umwaka wa 2014.
AMAKURU
Abahamya ba Yehova mu imurika mpuzamahanga ry’ibitabo ryabereye muri Korowasiya
Abahamya ba Yehova bagiye mu imurika ry’ibitabo rikomeye ryabereye muri Korowasiya. Iryo murika mpuzamahanga ry’ibitabo n’ibikoresho by’imfashanyigisho ryari irya 37 kandi ryabaye ku itariki ya 11-16 Ugushyingo 2014.