Kuva ku itariki ya 22 kugeza ku ya 25 Kamena 2023, inkubi y’umuyaga ikaze yayogoje igice cy’amajyepfo no hagati muri Shili kandi yari irimo imvura nyinshi yateje umwuzure. Ugereranyije abantu bagera ku 20.000 baba mu duce twibasiwe n’umwuzure. Aho wo mwuzure wageze, wangije amazu arenga 5.000 cyangwa arasenyuka burundu. Ababarirwa mu bihumbi bavanywe mu byabo. Hari abantu babiri baburiwe irengero naho abandi babiri barapfuye.

• Nta muvandimwe cyangwa mushiki wacu wapfuye cyangwa ngo akomereke

• Ababwiriza 212 bakuwe mu byabo

• Amazu 13 yarangiritse bikabije

• Amazu 38 yarangiritse bidakabije

• Nta Nzu y’Ubwami cyangwa indi nyubako y’umuryango wacu yangiritse

• Abavolonteri babarirwa mu magana barimo gufasha mu mirimo yo gusukura no gusana amazu yangiritse

• Abagenzuzi basura amatorero n’abasaza bo muri ako gace barimo guhumuriza abagezweho n’ibyo biza bakabafasha no kubona iby’ibanze bakeneye

• Hashyizweho Komite Zishinzwe Ubutabazi 2 kugira ngo zigenzure ibikorwa by’ubutabazi

Dusenga dusaba ko Yehova yakomeza guhumuriza abavandimwe na bashiki bacu bo muri Shili no kubaha imbaraga zo kwihanganira ibyo biza.—2 Abatesalonike 2:16, 17.