14 NZERI 2016
TURUKIMENISITANI
Abayobozi bo mu mugi wa Ashgabad bafunze Mansur Masharipov arengana
Ku itariki ya 30 Kamena 2016 abapolisi bafashe Mansur Masharipov, bamufatira mu mugi wa Ashgabad muri Turukimenisitani. Kuva mu mpeshyi yo mu mwaka wa 2014, abapolisi bagenzuraga ibikorwa bye kubera ko akora umurimo wo kubwiriza kandi akifatanya mu materaniro y’Abahamya ba Yehova. Masharipov ufite imyaka 32, ashinjwa guhohotera umupolisi kandi abapolisi ari bo bamuhohoteye. Na mbere yaho bari baramuhohoteye kandi bamukorera ibikorwa by’iyicarubozo. Ku itariki ya 18 Kanama 2016, urukiko rwo muri Turukimenisitani rwamukatiye igifungo cy’umwaka umwe. Icyakora Masharipov yajuririye uwo mwanzuro.
Ibindi wamenya
AMAKURU
Turukimenisitani irasabwa kutongera kurengera uburenganzira bw’ikiremwamuntu
Mu myanzuro ine Komite y’Umuryango w’Abibumbye Yita ku Burenganzira bw’Ikiremwamuntu yafashe, yavuze ko Turukimenisitani irenganya abantu bayoborwa n’umutimanama.
AMAKURU
Turukimenisitani yakatiye Bahram Hemdemov igifungo cy’imyaka ine azira idini rye
Abapolisi bagabye igitero ku bantu bari mu materaniro mu rugo rwa Bahram. Inkiko zashyigikiye ako karengane.