4 UGUSHYINGO 2014
U BUGIRIKI
Amakoraniro mpuzamahanga: Abahamya ba Yehova muri sitade y’imikino ya Olempiki
Buri munsi, Samuel Herd (iburyo), wo mu Nteko Nyobozi, yatangaga disikuru isoza ishingiye kuri Bibiliya, igasemurwa mu kigiriki.
Nanone, kuwa gatandatu tariki ya 28 Kamena ababatijwe bose ni 337; mu Bugiriki 305, naho muri Shipure habatizwa 32.
ATHÈNES, mu Bugiriki—Ku itariki ya 27-29 Kamena 2014, Abahamya ba Yehova bagize ikoraniro mpuzamahanga rifite umutwe uvuga ngo “Mukomeze mushake mbere na mbere Ubwami bw’Imana.” Iryo koraniro ryabereye muri sitade yabereyemo imikino ya Olempiki mu mwaka wa 2004. Abantu bagera ku 35.863 bari bateraniye muri iyo sitade. Abandi bagera ku 3.093 bo mu Bubiligi no muri Shipure, bakurikiraniye ibice bimwe na bimwe by’iryo koraniro kuri videwo; ku buryo abateranye bose babaye 38.956.
Mu baje muri iryo koraniro harimo abavuye muri Korowasiya, Hongiriya, Koreya, Rumaniya, Afurika y’Epfo, Turukiya no muri Leta Zunze Ubumwe za Amerika. Christina Michail, umuyobozi w’iyo sitade, yaravuze ati “byari bishimishije kubona abantu bo mu moko atandukanye no mu bihugu bitandukanye bose bicaranye, bifotoza; wabonaga hari urukundo rwose . . . Byari byiza pe! Ibintu nk’ibi ntibikunze kubera muri iyi sitade. Muri iyi sitade, ubusanzwe haza abafana b’amakipe kandi imyitwarire yabo itandukanye n’iyanyu. Ni ukuri kubona ibi bintu byadukoze ku mutima kandi biradushimisha.”
Abitabiriye ikoraniro ryabereye muri sitade y’imikino ya Olempiki muri Athènes.
Robert Kern, umuvugizi w’ibiro by’ishami by’Abahamya ba Yehova mu Bugiriki, yagize ati “abantu babarirwa mu magana batwandikiye bavuga ukuntu bashimishijwe n’uko ikoraniro ryagenze, kandi bagashimishwa no kuba barabonye ubwo buryo bwo gusabana n’abavandimwe bo hirya no hino ku isi. Kubona bagenzi bacu duhuje ukwizera benshi cyane bo mu bindi bihugu, byaradushimishije cyane, kandi ntituzapfa kubyibagirwa.”
Ushinzwe amakuru:
Ku rwego mpuzamahanga: J. R. Brown, wo mu rwego rushinzwe amakuru, tel. +1 718 560 5000
Mu Bugiriki: Babis Andreopoulos, tel. +30 210 617 8606
Ibindi wamenya
AMAKURU
Amakoraniro mpuzamahanga y’Abahamya ba Yehova azabera hirya no hino ku isi
Guhera muri Kamena 2014 kugeza muri Mutarama 2015, Abahamya ba Yehova bazagira amakoraniro mpuzamahanga y’iminsi itatu azabera mu bihugu icyenda.
AMAKURU
Abahamya ba Yehova bagiye gutangira amakoraniro mpuzamahanga
Amakoraniro mpuzamahanga yo mu mwaka wa 2014/2015 agiye gutangira. Irya mbere rizatangira kuwa gatanu mu gitondo, tariki ya 6 Kamena 2014, ribere Ford Field muri Detroit, muri leta ya Michigan (Amerika). Abantu bazaba bari mu tundi duce icumi two muri Amerika bazakurikirana kuri videwo bimwe mu biganiro bizatangwa muri iryo koraniro.
AMAKURU
Ikoraniro Mpuzamahanga: Abahamya ba Yehova bagize amakoraniro atazibagirana yabereye muri sitade ya MetLife
Muri Kamena 2014, abantu buzuye sitade ya MetLife, muri East Rutherford, mu ikoraniro mpuzamahanga ryari rifite umutwe uvuga ngo “Mukomeze mushake mbere na mbere Ubwami bw’Imana.” Hari ku itariki ya 20-22 Kamena no ku itariki ya 27-29 Kamena 2014.
AMAKURU
Amakoraniro mpuzamahanga: Abahamya basohoye Bibiliya mu ikoraniro ryabereye i Séoul
Mu ikoraniro mpuzamahanga ryabereye i Séoul muri Koreya ryari rifite umutwe uvuga ngo “Mukomeze mushake mbere na mbere Ubwami bw’Imana,” Abahamya ba Yehova batangaje ko hasohotse Bibiliya—Ubuhinduzi bw’isi nshya ivuguruye iri mu rurimi rw’igikoreya.
ABO TURI BO
Uzaze mu ikoraniro ry’Abahamya ba Yehova 2024 —‘Mutangaze ubutumwa bwiza’
Twishimiye kugutumira mu ikoraniro ry’iminsi itatu ry’Abahamya ba Yehova ryo muri uyu mwaka.
AMAKORANIRO
Videwo: Raporo y’amakoraniro mpuzamahanga
Abahamya bagiriye amakoraniro manini mu migi imwe n’imwe yo hirya no hino ku isi.