24 MUTARAMA 20222022 | YAHUJWE N’IGIHE KU ITARIKI YA 29 UKUBOZA 2023
U BURUSIYA

AMAKURU MASHYA—ABAVANDIMWE BAHAMIJWE ICYAHA | Umuvandimwe Aleksandr Polozov na Stepan Shevelev babonye imigisha myinshi nubwo batotejwe

FUNGURA

Ku itariki ya 29 Ukuboza 2023, urukiko rwo mu mujyi wa Norilsk mu karere ka Krasnoyarsk rwahamije icyaha umuvandimwe Aleksandr Polozov na Stepan Shevelev. Buri wese yakatiwe igifungo cy’imyaka itandatu. Ntibizaba ngombwa ko bajyanwa muri gereza.

Uko ibintu byagiye bikurikirana

Ku itariki ya 20 Ukwakira 2019

Abapolisi bihariye bagose aho Abahamya ba Yehova bo mu mujyi wa Norilsk bari basohokeye, bafata Abahamya barenga 50 bajya kubafunga
Ku itariki ya 26 Ukwakira 2019

Aleksandr yarafashwe maze afungwa by’agateganyo
Ku itariki ya 21 Mutarama 2020

Aleksandr yarafunguwe nyuma y’amezi atatu afunze
Ku itariki ya 19 Gashyantare 2020

Aleksandr yashyizwe ku rutonde rw’abantu b’intagondwa n’amafaranga ye yo muri banki arafatirwa
Ku itariki 6 Gicurasi 2021

Stepan bamushinje icyaha cy’ubugambanyi hamwe na Aleksandr. Mu ‘byaha’ yashinjwaga harimo gusenga no kubwiriza

Icyo twabavugaho

Aleksandr Polozov

Igihe yavukiye: 1970 (Torzhok, mu karere ka Tver)

Ibimuranga: Igihe yari akiri muto, yakundaga koga no gukina hoke. Yakoze mu mushinga wo kurokora abantu bahuye n’impanuka zikomeye. Yashakanye na Svetlana mu mwaka wa 1998. Bakunda gutwara igare no gutembera

Yatangiye kwigishwa Bibiliya n’Abahamya ba Yehova mu mwaka wa 1990. Yabatijwe mu mwaka wa 1995

Ibyo yavuze

Ni mu buhe buryo Yehova yagufashije igihe wari muri gereza?

Igihe bampataga ibibazo bwa mbere, bahise banjyana kumfunga. . . . Uwo twari dufunganywe yambajije impamvu mfunze. Namubwiye ko ari ukubera ko nizera Imana. . . . Yarambwiye ati: “Reba munsi y’ameza.” Nararebye ndongera ndareba maze mbona Bibiliya ebyiri. Numvaga bidashoboka . . . Kuva ku munsi wa mbere w’igifungo nari mfite Ijambo ry’Imana. Nshimira Yehova kuba yari anyeretse ko anshyigikiye mu buryo bufatika nk’ubwo.

Ni mu buhe buryo abavandimwe na bashiki bacu bagushyigikiye?

Sinabona amagambo nkoresha ngaragaza ukuntu abavandimwe na bashiki bacu bamfashije. Hari igihe mu gitondo kare bazindutse kandi kuri uwo munsi hari hakonje cyane. Baje kunsuhuza bakoma mu mashyi igihe najyaga mu rukiko. Hanyuma igihe nagarukaga ndi mu modoka ya gereza, saa kumi n’ebyiri za nimugoroba bongeye kuza kunsuhuza. Kuri njye numvaga binshimishije cyane kandi byabereye abandi ubuhamya.

Stepan Shevelev

Igihe yavukiye: 1982 (Maslyanino, mu gace ka Novosibirsk)

Ibimuranga: Akora mu bijyane n’insinga. Yashakanye na Oksana mu mwaka wa 2013. Bakunda gusoma no gutembera

Mu mwaka wa 1996, nyina wa Stepan na mushiki we batangiye kwiga Bibiliya. Nubwo nta n’umwe muri bo wemeye ukuri, Stepan yatangiye kwigana Bibiliya n’Abahamya ba Yehova kandi ibyo bamwigishije byaramutangaje cyane. Yashimishijwe no kumenya ko Bibiliya ihindura abantu bakaba beza kurushaho. Yabatijwe mu mwaka wa 2001

Ibyo yavuze

Ni mu buhe buryo kugira gahunda ihoraho yo kwiyigisha byagufashije wowe n’umugore wawe?

Dukunda cyane ikigisho cy’umuryango wacu. Mu myaka myinshi ishize, twahisemo umunsi wo kuganira kuri Bibiliya kandi ntitujya twemera ko hari ikintu kirogoya iyo gahunda. Nizeye ko ibyo bizafasha umugore wanjye gukomeza kugira ukwizera gukomeye. Nanone nkomeza gusoma Bibiliya buri munsi. Urugero, mu gihe cy’umwaka umwe nasomye Bibiliya ndayirangiza. Undi mwaka nasomye Bibiliya nkurikije uko ibivugwamo byagiye bikurikirana nabwo ndayirangiza. Nyuma yaho nagiye nyisoma nkurikije abanditsi b’ibitabo biyigize. Ibyo byatumye ntasoma Bibiliya by’umuhango gusa, ahubwo mba mbona ibintu ari bishya nubwo mba mbisomye kenshi.

Ni mu buhe buryo wahinduye uko wabonaga abagutoteza?

Yehova arimo kumfasha kubabona mu buryo nyabwo. Njye n’umugore wanjye twibonera ko abadutoteza ari nk’abantu bakora akazi bahawe. Na bo bahanganye n’ibibazo byabo kandi bakeneye kugezwaho ubutumwa bwiza butanga ibyiringiro nk’ubwo tugeza ku bandi.

Twiringiye ko Yehova azakomeza gufasha abavandimwe dukunda bakomeje guhatana kugira ngo babe indahemuka nubwo batotezwa.—Abacamanza 8:4.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU