30 UGUSHYINGO 2022| YAHUJWE N’IGIHE: 29 UKUBOZA 2022
U BURUSIYA

AMAKURU MASHYA—ABAVANDIMWE BARAFUNZWE | Barushijeho kugaragaza imico ya gikristo

FUNGURA

Urukiko rw’akarere ka Zeyskiy ruri mu gace ka Amur, rwahamije ibyaha umuvandimwe Yevgeniy Bitusov na Leonid Druzhinin. Umuvandimwe Bitusov yakatiwe igifungo cy’imyaka itandatu naho Druzhinin we yakatiwe igifungo cy’imyaka itandatu n’igice. Bakiva mu rukiko bahise bajyanwa muri gereza.

Icyo twabavugaho

Leonid Druzhinin

Igihe yavukiye: 1969 (Trubachevo, mu gake ka Trans-Baikal)

Ibimuranga: Yakoze mu bwubatsi

Yakunze cyane ibisobanuro byumvikana yabonye muri Bibiliya birebana n’impamvu Imana ireka imibabaro ikabaho. Yabatijwe mu mwaka wa 1997

Yashakanye na Tamara mu mwaka wa 2010

Ibyo yavuze

Ni iki cyagufashije gukomeza kubona mu buryo bushyize mu gaciro abagutotezaga?

Nkunda kwiyibutsa amagambo ari mu Bafilipi 4:8, aho duterwa inkunga yo gukomeza gutekereza ku bintu by’ukuri byose, ibikiranuka byose, ibikundwa byose n’ ibivugwa neza byose. Gushyira mu bikorwa iyo nama bimfasha kwirinda gutekereza abantoteza mu buryo budakwiriye no kwirinda kubarakarira. Nanone, nkomeza gusenga Yehova musaba ko yamfasha kwikuramo ibitekerezo bimpangayikisha. Buri gihe iyo maze gusenga, mpita numva nongeye gutuza.

Duterwa ishema n’abavandimwe na bashiki bacu bakomeza kugaragaza ko ari abakozi bakorana n’Imana binyuze mu kwihangana kwabo.—2 Abakorinto 6:3-10.

Uko ibintu byagiye bikurikirana

Ku itariki ya 21 Werurwe 2019

Abapolisi basatse ingo z’ imiryango myinshi y’Abahamya ba Yehova batuye muri Zeya, harimo n’urugo rwa Yevgeniy ndetse n’urwa Leonid
Ku itariki ya 10 Kanama 2020

Hatanzwe ikirego
Ku itariki ya 13 Ukwakira 2020

Abapolisi basatse urugo rwa Yevgeniy ndetse n’urwa Leonidaw ku ncuro ya kabiri. Leonid yarafashwe kandi ahatwa ibibazo mu gihe kingana n’amasaha abiri
Ku itariki ya 20 Kamena 2022

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU