14 UKUBOZA 2023 | YAHUJWE N’IGIHE KU ITARIKI YA 30 MUTARAMA 2023
U BURUSIYA

AMAKURU MASHYA—ABAVANDIMWE BARAFUNZWE | “Kwiringira Yehova ni ryo banga”

FUNGURA

Ku itariki ya 25 Mutarama 2024, urukiko rw’Akarere ka Samara rwahamije icyaha umuvandimwe Aram Danielyan, Denis Kuzyanin, Sergey Polosenko na Nikolay Vasiliyev. Buri wese yakatiwe igifungo cy’imyaka irindwi kandi bahise bajyanwa muri gereza bakiva mu rukiko.

Icyo twabavugaho

Aram Danielyan

Igihe yavukiye: 1990 (Arumeniya)

Ibimuranga: Umuryango we wimukiye mu Burusiya igihe yari afite amezi atandatu

Yakoraga mu bijyanye n’ubwubatsi no kugura ibintu

Nyirasenge na mama we ni bo bamwigishije Bibiliya. Yarushijeho gukunda Yehova bitewe no kwibonera ukuntu asubiza amasengesho ye. Yabatijwe mu mwaka wa 2011

Yashakanye na Elina mu mwaka wa 2017. Bafite umwana umwe w’umuhungu

Ibyo yavuze

Ni iki kigufasha kudacika intege?

Nubwo hari igihe mba numva mbabaye, ibyo bimfasha kwibuka ko nahisemo kuba umugaragu wa Yehova. Nzi neza ko ntakomeje gukorera Yehova kugira ngo ntatotezwa, byatuma ntagira ibyishimo. Ariko ubu mfite ibyishimo byinshi kubera ko ngira uruhare mu kumenyekanisha izina rya Yehova no gutuma ryezwa. Niyemeje kwereka Satani ko ntazigera ndeka gukorera Yehova niyo naba ngiye kwicwa. Ubwo rero gufungwa byo ntibinteye ubwoba.

Denis Kuzyanin

Igihe yavukiye: 1984 (Norilsk, mu gace ka Krasnoyarsk)

Ibimuranga: Arikorera ku giti cye

Denis na mama we batangiye kwigana Bibiliya n’Abahamya ba Yehova igihe yari afite imyaka icumi. Yabatijwe mu mwaka wa 2001

Yashakanye na Yelena mu mwaka wa 2012. Bafite umwana umwe w’umukobwa

Ibyo yavuze

Ni iyihe nkuru yo muri Bibiliya yagufashije gukomeza kubona ibibazo urimo mu buryo bukwiriye?

Igitabo cya Yobu cyaramfashije cyane. Uhereye ku gice cya 38, Yehova yafashije Yobu kubona ibintu mu buryo bukwiriye, amusobanurira ibijyanye n’imbaraga ze zo kurema. Iyo ntekereje ku bintu Yehova yakoze n’ibyo azakora mu gihe kizaza, bituma nsobanukirwa ikintu cy’ingenzi kurusha ibindi mu buzima. Binyibutsa ko icy’ingenzi ari ukumvira Yehova. Ubwo rero igihe cyose nzi ko Yehova anyemera, mba numva ibibazo mpura na byo ntacyo bivuze, kuko mba nizeye ko azamfasha.

Twizeye tudashidikanya ko Yehova azakomeza guhumuriza abantu bose bakomeje gutotezwa bazira ukwizera kwabo kandi ko azatuma bashikama kugira ngo bakore ibyiza, haba mu byo bavuga cyangwa mu byo bakora.—2 Abatesalonike 2:16, 17.

Uko ibintu byagiye bikurikirana

Ku itariki ya 14 Ukuboza 2021

Denis, Nikolay na Sergey batangiye gukurikiranwa mu rukiko
Ku itariki ya 15 Ukuboza 2021

Ingo za Denis, Nikolay na Sergey zarasatswe. Barafashwe barafungwa
Ku itariki ya 16 Ukuboza 2021

Denis, Nikolay na Sergey babajyanye kubafunga by’agateganyo
Ku itariki ya 6 Mutarama 2022

Aram yatangiye gukurikiranwa mu rukiko. Bamufatiye ku kibuga cy’indege
Ku itariki ya 7 Mutarama 2022

Aram bamujyanye kumufunga by’agateganyo
Ku itariki ya 12 kugeza ku ya 14 Ukuboza 2022

Abavandimwe bose uko ari bane barafunguwe ariko bamenyeshwa ko batemerewe kurenga uduce batuyemo
Ku itariki ya 16 Kamena 2023

Batangiye kuburana mu rukiko

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU