26 Nyakanga 2022 | YAHUJWE N’IGIHE KU ITARIKI YA 6 UKUBOZA 2023
U BURUSIYA

AMAKURU MASHYA—ABAVANDIMWE NA BASHIKI BACU BAHAMIJWE ICYAHA | Bakomeje kwihangana bafite ubutwari kandi bishimye

FUNGURA

Ku itariki ya 5 Ukuboza 2023, 2023 Urukiko rw’umujyi wa Surgut mu gace kigenga ka Khanty-Mansi—Yugra rwahamije icyaha abavandimwe 17 na mushiki wacu 1. Muri abo harimo umuvandimwe Vasiliy Burenesku, Viktor Fefilov, Igor Kobotov, Igor Petrov, Leonid Rysikov, Igor Trifonov, Pavel Romashov n’umugore we Viola Shepel. a Abo bavandimwe 17 bakatiwe igifungo gisubitse kir hagati y’imyaka itandatu n’amezi atatu n’imyaka irindwi. Ntibizaba ngombwa ko bajyanwa muri gereza.

Uko ibintu byagiye bikurikirana

Ku itariki ya 15 Gashyantare 2019

Abapolisi basatse inzu nyinshi z’Abahamya ba Yehova muri Surgut no mu mijyi ihakikije Hari abavandimwe barindwi bavuze ko bakorewe urugomo igihe babahataga ibibazo. Batatu bafunzwe by’agateganyo naho abandi bo bategetswe kujya kwa muganga w’indwara zo mu mutwe
Ku itariki ya 3 Ukwakira 2019

Viktor, Igor Kobotov, Igor Petrov, Leonid, Igor Trifonov, Pavel na mushiki wacu Viola bongewe ku rutonde rw’intagondwa
Ku itariki ya 10 Ukwakira, 2019

Vasiliy yashyizwe ku rutonde rw’intagondwa
Ku itariki ya 23 Nyakanga 2020

Urugo rwa Igor Petrov rwasatswe ku ncuro ya kabiri kandi hari ibintu byinshi bafatiriye
Ku itariki ya 29 Ukwakira 2021

Ni bwo urubanza rwatangiye

Icyo twabavugaho

Igor Kobotov

Igihe yavukiye: 1973 (Apsheronsk, mu gace ka Krasnodar)

Ibimuranga: Yize ibijyanye n’umuzika. Yabaye umusirikare imyaka ibiri. Yakoraga muri kampani y’ibya gaze na peteroli

Amaze kugira imyaka 23, yatangiye kwiga Bibiliya nuko asobanukirwa intego y’ubuzima. Yabatijwe mu mwaka wa 1996. Yashakanye na Yuliya mu mwaka wa 2005. Bafite umuhungu umwe

Ibyo yavuze

Ni iki cyagufashije gukomeza kubona ibyakubayeho mu buryo bwiza?

Nibuka urugero rwa Daniyeli n’ukuntu bamutaye mu rwobo rw’intare. . . Nta mwavoka yari afite umuburanira, nta rukiko rwari ruhari yari kujuririramo kandi ntiyari afite abavandimwe na bashiki bacu bo hirya no hino ku isi bo kumwandikira amabaruwa. Gutekereza ku nkuru zo muri Bibiliya byamfashije gutekereza maze mbona ko nta butabera tugomba kwitega muri iyi si iyobowe na satani. Ikintu cy’ingenzi ni ukujya twibanda ku byo Yehova akora kugira ngo adufashe nubwo duhura n’ibibazo bitandukanye.

Igor Petrov

Igihe yavukiye: 1969 (Turdakovo, muri Repuburika ya Chuvash)

Ibimuranga: Yakuriye muri Kazakisitani. Akora akazi ko gukoresha ibimashini binini

Yashimishijwe no kubona ko Bibiliya irimo amahame arangwa n’ubwenge kandi ko kuyakurikiza bituma umuntu abaho neza. Yashakanye na Larisa mu mwaka wa 2001, kandi bombi babatijwe nyuma gato muri uwo mwaka. Bafite umwana umwe w’umuhungu

Ibyo yavuze

Ibigeragezo byagufashije bite kurushaho kuba umuntu mwiza?

Hari igihe nabaga numva nacitse intege. Ariko ibigeragezo nabigereranya n’umuriro kuko byagaragaje aho nari mfite intege nke. Kubona aho nari mfite ikibazo no guhangana n’amakosa nakoze ntibyari byoroshye, ariko nasobanukiwe ko ari byo nari nkeneye kugira ngo nkosore ibitagenda neza. Ni nk’aho Yehova yaretse ibigeragezo bikangeraho kugira ngo ngire ibyo nkosora.

Pavel Romashov

Igihe yavukiye: 1974 (Tomsk, mu gace ka Tomsk)

Ibimuranga: Yarezwe na mama we wenyine. Akora mu bijyanye no kubungabunga inyubako za Kampani zishinzwe ibya gaze na peteroli. Yashakanye na Viola mu mwaka wa 2003. Bafite umukobwa umwe.

Pavel na Viola bigiye rimwe Bibiliya bigishijwe n’Abahamya ba Yehova. Pavel yabonye ko kwiga Bibiliya byagiriye akamaro umuryango we. Yatewe inkunga cyane no kubona ukuntu abantu bo mu itorero bakundana kandi ko bitanaho. Yabatirijwe rimwe na Viola mu mwaka 2004

Ibyo yavuze

Ni iki cyagufashije gukomeza gutuza mu gihe babasakaga?

Mbere yo kuba Umuhamya wa Yehova namaze hafi imyaka itanu nkora muri minisiteri ishinzwe umutekano mu gihugu mu bijyanye no gutwara abashinzwe umutekano, ubwo rero nari nsanzwe menyereye ibijyanye no gusaka, guhatwa ibibazo no gukurikirana ibyaha.

Icyakora kuba naragiye mu kazi incuro nyinshi tugiye gusaka cyangwa mu bindi, sinari narigeze ntekereza ko nanjye byambaho, kugeza ubwo abagabo bipfutse mu maso bakomangaga iwanjye. Ako kanya, . . . nahise nsenga nsaba ibintu bibiri: kudashya ubwoba no kwereka urukundo abari baje gusaka. Ibyo ari byo byose bari baje mu kazi kabo, ikindi kandi ntibari bazi ukuri.

Viola Shepel b

Igihe yavukiye: 1976 (Stepnogorsk, muri Kazakisitani)

Ibimuranga: Ni umuganga mu bitaro by’abana. Yashakanye na Pavel muri 2003. Bafite umwana umwe

Viola na Pavel biganye Bibiliya n’Abahamya ba Yehova. Viola yashishikajwe n’ibisubizo bishyize mu gaciro Bibiliya itanga ku birebana n’Imana, intego y’ubuzima no kubana neza n’abandi. Yabatirijwe rimwe na Pavel mu mwaka wa 2004

Ibyo yavuze

Ni mu buhe buryo Yehova yagufashije?

Maze imyaka myinshi ndwaye indwara yo kwiheba. Iyo ntangiye kumva ntameze neza, ikintu cya mbere nkora ni ugusenga Yehova kubera ko nzi neza ko ntabasha kunesha ibyo byiyumvo ku mbaraga zanjye. Hanyuma mpamagara incuti zanjye nkazibaza uko zimerewe. Na zo zifite ibibazo zihanganye na byo. Hari igihe wenda haba hari umwe muri bo ukeneye ko namufasha. Cyangwa hari ukeneye uwo bavugana. Iyo mbahamagaye nkavugana na bo bituma ngenda mererwa neza. Buri gihe ibyo bimfasha kwibuka ko ntari njyenyine kandi ko ndi mu muryango mugari w’abavandimwe.

Twizera tudashidikanya ko ibyo abavandimwe na bashiki bacu bazahura na byo byose yaba imibabaro, ibitotezo, amakuba, cyangwa akaga, ‘bazabivamo banesheje rwose’ kubera urukundo Yehova abakunda kandi akaba abashyigikiye.—Abaroma 8:35, 37.

a b Nyuma yo gushaka, yagumanye izina ry’umugabo we wa mbere.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU