2 UGUSHYINGO 2021
U BURUSIYA

AMAKURU MASHYA | Abahamya batanu bo mu gace ka Sakhalin biringira ko Yehova azabafasha

FUNGURA

Ku itariki ya 11 Gicurasi 2022, urukiko rw’intara rwanze ubujurire bw’umuvandimwe Vyacheslav Ivanov, Aleksandr Kozlitin, Sergey Kulakov, mushiki wacu Tatyana Kulakova n‘umuvandimwe Yevgeniy Yelin. Ntibazajyanwa muri gereza.

Ku itariki ya 31 Mutarama 2022, urukiko rw’umugi ruri mugace ka Sakhalin rwahamije icyaha Vyacheslav, Aleksandr, Sergey, Tatyana na Yevgeniy. Sergey ma Yevgeniy bakatiwe igifungo gisubitse cy’imyaka itandatu n’igice. Umuvandimer Vyacheslav, Aleksandr na mushiki wacu Tatyana bo bakatiwe igifungo gisubitse cy’imyaka ibiri.

Uko ibintu byagiye bikurikirana

Muri Nyakanga 2020

Vyacheslav, Aleksandr, Sergey na Tatyana babujijwe kurenga agace batuyemo
Ku itariki ya 2 Mata 2020

Yevgeniy na we yabujijwe kurenga agace atuyemo
Ku itariki ya 20 Mutarama 2019

Abasirikare bo mu rwego rw’u Burusiya rushinzwe ubutasi n’abaporisi b’abamaneko, bigabije ingo 11 z’abaturage bakekaga ko ari Abahamya ba Yehova. Abo basirikare bahutaje abana bakiri bato bo muri iyo miryango igihe babahataga ibibazo. Ibyo byabaye nyuma gato yaho perezida w’u Burusiya Vladimir Putin atangaje ko hagiye gukorwa iperereza ku itotezwa Abahamya ba Yehova bakorerwa

Icyo twabavugaho

Sergey Kulakov

Igihe yavukiye: 1961 (Nevelsk, mu gace ka Sakhalin)

Ibimuranga: Igihe yari afite imyaka 14, bamujyanye kwiga mu ishuri ricumbikira abana. Akiri muto yakundaga gukina umupira w’amaguru n’umukino wa esheki. Yarangije amashuri y’imyuga, kandi yahuguwe mu bijyanye no gusana ubwato. Ubu ari mu kiruhuko k’izabukuru

Nyuma y’umwaka wa 2000, we n’umugore we, Tatyana batangiye kwiga Bibiliya. Yashimishijwe n’ukuntu Abahamya ba Yehova bakundana. Yabatijwe mu mwaka wa 2008. Bafite abahungu babiri

Ibyo yavuze

Ni ibihe bigeragezo byihariye Yehova yagufashije kwihanganira?

Kimwe mu bintu byangoye ni ugukomeza gutuza no kugira ibyishimo. Gahunda yo kwiyigisha no gusenga yaramfashije. Yatumye ndushaho kwemera amagambo agira ati: “Ku muntu w’indahemuka, uzaba indahemuka” (2 Samweli 22:26). Narushijeho gukunda Yehova no kumwiringira. Nanone byamfashije kudahangayikishwa n’ibishobora kuzambaho kuko nzi ko, azanyitaho uko byagenda kose.

Tatyana Kulakova

Igihe yavukiye: 1973 (Nevelsk, mu gace ka Sakhalin)

Ibimuranga: Kuva akiri muto yakundaga gusoma, gushushanya n’umuzika. Yakoze mu bijyanye no gusiga amarangi. Yashakanye na Sergey mu mwaka wa 1996, kandi bafite abahungu babiri

Amaze gusobanukirwa umugambi Imana ifitiye isi no kumenya imimerere abapfuye barimo, yatangiye gukunda Bibiliya. Yabatijwe mu mwaka wa 2003

Ibyo yavuze

Ni uwuhe murongo w’Ibyanditswe wagufashije kugira ubutwari no kwihangana ufite ibyishimo?

Igihe batangiraga kudusaka, nyuma yaho bakanshinja ibyaha, nagombaga kwitaba mu rwego rushinzwe ubutasi. Icyo gihe nibutse amagambo Elisa yabwiye umugaragu we agira ati: “Kuko abari kumwe natwe ni bo benshi kuruta abari kumwe na bo.” Niboneye rwose ko Yehova, Yesu hamwe n’abamarayika benshi bari bandi iruhande. Kuba bari banshyigikiye, byatumye nkora ibikwiriye kandi bituma ntahangayika cyane.

Yevgeniy Yelin

Igihe yavukiye: 1974 (Yuzhno-Sakhalinsk, mu gace ka Sakhalin)

Ibimuranga: Kuva mu bwana bwe yakundaga gushushanya. Yakoraga akazi ko gutunganya imbere mu nzu. Afite kampani ye ikora ibijyanye no kuvugurura amazu. Nanone abaza ibikoresho byo mu nzu

Yatangiye kwiga Bibiliya akiri mu mashuri yisumbuye. Mu mwaka wa 1990, yahuye n’Abahamya ba Yehova kandi yabubahiraga ko bakurikiza amahame yo muri Bibiliya buri munsi. Yabatijwe mu mwaka wa 1992. Yashakanye na Anastasia mu mwaka wa 2017

Ibyo yavuze

Ni iyihe nama wagira abandi yabafasha kwitegura ibitotezo bashobora kuzahura na byo?

Nabagira inama yo kuzuza mu bwenge bwabo no mu mutima ukuri ko muri Bibiliya. Nanone ni iby’ingenzi cyane gukurikiza amabwiriza duhabwa n’umuryango wacu. Dutegerezanyije amatsiko isohozwa ry’ubuhanuzi burebana n’isi nshya, ariko nanone ntitwakwirengagiza ko ibitotezo na byo ari kimwe muri ubwo buhanuzi bugomba gusohora. Niba rero dutotezwa, tuba tugira uruhare mu isohozwa ry’ubwo buhanuzi. Iyo ni inshingano yihariye!

Tuzi ko Yehova azakomeza kwita kuri abo bavandimwe na bashiki bacu dukunda, igihe cyose bakomeza gusubiramo amagambo y’umuhanuzi Yesaya wagize ati: “Dore Imana ni yo gakiza kanjye. Nzayiringira kandi sinzatinya.”—Yesaya 12:2.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU