21 GASHYANTARE 2022 | YAHUJWE N’IGIHE KU ITARIKI YA 31 NYAKANGA 2023
U BURUSIYA

AMAKURU MASHYA—BACIWE AMANDE | Abavandimwe bafashwa na bagenzi babo kugira ukwizera gukomeye

FUNGURA

Ku itariki ya 28 Nyakanga 2023, urukiko rw’umujyi wa Petrozavodsk uri muri Repubulika ya Karelia, rwahamije icyaha umuvandimwe Maksim Amosov, Mikhail Gordeev, Nikolay Leshchenko na Dmitriy Ravnushkin. Abo bavandimwe baciwe amande. Uwaciwe make yaciwe amande arenga amafaranga y’u Rwanda 5.700.000 naho uwaciwe menshi yaciwe arenga amafaranga y’u Rwanda 6.400.000.

Uko ibintu byagiye bikurikirana

Ku itariki ya 31 Nyakanga 2019

Abasirikare bo mu rwego rushinzwe ubutasi basatse ingo 16 z’Abahamya ba Yehova basaka n’aho bakorera
Ku itariki ya 2 Kanama 2019

Abagenzacyaha babujije umuvandimwe Maksim kuva mu gihugu. Abayobozi batangiye iperereza ku muvandimwe Nikolay kandi bamutegeka kutava mu gace atuyemo
Ku itariki ya 6 Kanama 2019

Abagenzacyaha bashinje umuvandimwe Maksim na Nikolay “icyaha” cyo kwiga Bibiliya
Ku itariki ya 5 Nzeri 2019

Abasirikare bo mu rwego rushinzwe ubutasi bafatiye Mikhail aho akorera kandi bafatira mudasobwa ye. Umugenzacyaha yatangiye gukora iperereza ku muvandimwe Mikhail
Ku itariki ya 20 Nzeri 2019

Abasirikare bo mu rwego rushinzwe ubutasi basatse aho Dmitriy akorera kandi bafatira telefone ye. Umugenzacyaha yamaze amasaha ane ahata ibibazo Dmitriy maze atangira kumukoraho iperereza kandi amubuza kuva mu gace atuyemo
Ku itariki ya 18 Ukwakira 2021

Ni bwo urubanza rwatangiye

Icyo twabavugaho

Mikhail Gordeev

Igihe yavukiye: 1959

Ibimuranga: Akunda koga no kumva umuziki

Kuva akiri muto yibazaga ibibazo ku Mana ndetse no ku ntego y’ubuzima. Umugore we yapfuye umwana wabo akiri muto. Igihe yari akeneye ihumure ni bwo yaganiriye n’Umuhamya wa Yehova maze amenya izina ry’Imana. Yongeye guhura n’Abahamya nyuma y’imyaka myinshi kandi yahise atangira kwiga Bibiliya. Yabatijwe mu mwaka wa 1996

Yashakanye na Yelizaveta mu mwaka wa 1999. Bafite abakobwa babiri bakiba mu rugo

Ibyo bavuze

Ni iki wakoze kugira ngo ufashe umuryango wawe kwitegura ibitotezo?

Igihe bahagarikaga umuryango w’Abahamya ba Yehova mu gihugu, . . . Natekereje ko bizatuma duhura n’ibigeragezo bikomeye. Ubwo rero nakoze uko nshoboye ngo njye n’abagize umuryango wanjye tugire ukwizera gukomeye. Buri gihe twasomeraga hamwe Bibiliya, tugasengera hamwe dusaba ubutwari. Nanone twasomaga inkuru zivuga uko abavandimwe na bashiki bacu bagiye bihanganira ibigeragezo.

Ese waba wibuka nk’igihe Yehova yagufashije mu buryo bwihariye?

Hashize ukwezi basatse urugo rwanjye, abagenzacyaha baje kunkura mu kazi baranjyana. Banjyanye ku biro byabo kumpata ibibazo kandi bansomera ibyo ndegwa. Igihe bampataga ibibazo abagenzacyaha banyokeje igitutu. Banteye ubwoba babwira ko ninanga gutanga ubuhamya bushinja abavandimwe na bashiki bacu bari bujye kumfunga. Ibyo bihe byarangoye cyane. Nasenze Yehova musaba ubwenge n’imbaraga. Yamfashije kwihangana sinagambanira abavandimwe na bashiki bacu.

Nikolay Leshchenko

Igihe yavukiye: 1962 (Poltava, Ukraine)

Ibimuranga: Yashakanye na Svetlana mu mwaka wa 1984. Mu mwaka wa 1988, igihe yari umusirikare muri Polonye ni bwo bahuye n’Abahamya ba Yehova. Mu mwaka wa 1989, ni bwo bwa mbere nateranye urwibutso. Igihe basubiraga mu Burusiya mu mwaka wa 1993, batangiye kwiga Bibiliya maze mu mwaka wakurikiyeho barabatizwa

Ibyo yavuze

Ni gute Yehova yagufashije igihe wari warabujijwe kuva mu gace utuyemo?

Mu mpera z’umwaka wa 2019, nari mpangayitse. Svetlana yari yaragiye mu ikoraniro ryabereye mu mujyi wa Warsaw muri Polonye. Yahuye n’abantu bari inshuti zacu igihe twabaga muri icyo gihugu. Yarakoresheje ikoranabuhanga rya videwo atuma mbasha kuvugana nabo. Sinibuka neza ibyo twaganiriye, ariko kuvugana nabo byarampumurije cyane. . . . Niboneye ko ari uburyo Yehova akoresheje kugira ngo amfashe.

Dushimishwa no kubona abavandimwe bacu bo mu Burusiya bakomeje kugendera mu kuri nubwo batotezwa.—3 Yohana 4.

a b Ntitwabashije kumuvugisha.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU