3 GASHYANTARE 2022
U BURUSIYA

AMAKURU MASHYA | Gukora byinshi byatumye umuvandimwe Andrey Vlasov akomeza kurangwa n’icyizere

FUNGURA

Ku itariki ya 26 Nyakanga 2022, urukiko rw’intara ya Kemerovo rwanze ubujurire bw’umuvandimwe Andrey Vlasov. Yakomeje gufungwa.

Ku itariki ya 23 Gicurasi 2022, urukiko rwo mu mugi wa Prokopyevsk rwahamije icyaha umuvandimwe Andrey Vlasov kandi rumukatira igifungo k’imyaka irindwi. Yahise afungwa.

Uko ibintu byakurikiranye

Ku itariki ya 2 Nyakanga 2020

Urukiko rwatangiye kuburanisha Andrey rumushinja ko ahagarariye imirimo yo mu gatsiko k’intagondwa
Ku itariki ya 12 Nyakanga 2020

Abaporisi bari mu rwego rw’ubutasi basatse inzu ya Andrey n’aho akorera. Bafatiriye ibikoresho bye bya eregitoronike na Bibiliya. Bamujyanye kumufungira mu kigo cy’agateganyo, kandi umugore we Nataliya bamuhata ibibazo
Ku itariki ya 14 nyakanga 2020

Yarafunguwe maze afungirwa mu rugo
Ku itariki ya 9 Kamena 2021

Urubanza rwaratangiye

Icyo twamuvugaho

Andrey Vlasov

Igihe yavukiye: 1968 (Prokopyevsk, Kemerovo Region)

Ibimuranga: Akunda gushushanya n’umuzika. Yakoze akazi ko gufotora

Murumuna we ni we wamwigishije Bibiliya. Yabatijwe mu mwaka wa 1991 aba Umuhamya wa Yehova. Yashakanye n’umugore we Nataliya mu mwaka wa 2003

Ibyo yavuze

Ni iki cyagufashije gukomeza gutuza?

Kubera ko nari mfite ibintu byinshi ngomba gukora byatumye ntakomeza guhangayika. Nsoma Bibiliya, ngategura amateraniro, nkareba videwo z’umuryango wacu, ngasiga amarangi kandi nkumva ibitabo byafashwe amajwi. Nanone nakoraga imirimo yo mu rugo, kandi ngakina imikino kugira ngo nkoreshe ubwenge.

Ni gute abavandimwe n’inshuti baguteye inkunga?

Byanteraga inkunga iyo abavandimwe na bashiki bacu bambwiraga ko bansengera, ko mbabera urugero rwiza rwo kwizera kandi ko na bo bazakomeza kubera Yehova indahemuka.

Ni iyihe mirongo yo muri Bibiliya yaguteye inkunga kandi se yagufashije iki?

Muri 1 Petero 4:12-14 nge n’umugore wange hadufashije kwihanganira igihe abapolisi bazaga kudusaka no kudukoraho ipererereza ndetse n’igihe najyaga kwiregura. . . . Twanditse imirongo yose abavandimwe batwoherereje kandi tuyishyira ahantu hagaragara. Igihe nari mfungiye mu rugo, nge n’umugore wanjye twatekereje kuri iyo mirongo maze bitwibutsa ko Yehova atazadutererana. Igihe nari muri gereza y’agateganyo, muri Yesaya 40:10-13 hanyongereye imbaraga. Icyo gihe nagize umutuzo bituma ntakomeza guhangayika .

Dufite imigisha kuba dufite abavandimwe duhuje ukwizera bameze nka Andrey n’abandi bavandimwe bo mu Burusiya na Crimea bakomeje kugira ibyishimo n’ukwizera gukomeye nubwo bahanganye n’ibibazo.—2 Abakorinto 1:24.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU