5 KANAMA 2021
U BURUSIYA

AMAKURU MASHYA | Gusenga ubudacogora byafashije umuvandimwe Anatoliy Gorbunov gukomeza kugira ibyishimo

FUNGURA

Ku itariki ya 21 Kamena 2022, urukiko rwo mu gace ka Krasnoyarsk rwanze ubujurire bw’umuvandimwe Anatoliy Gorbunov kandi rwemeza ko akomeza gukurikiranwa. Vuba aha azavanwa aho yari afungiwe by’agateganyo yoherezwe mu kigo azafungirwamo.

Urukiko rw’akarere ka Oktyabr’skiy mu gace ka Krasnoyarsk rwahamije icyaha umuvandimwe Anatoliy Gorbunov kandi rumukatira igifungo cy’imyaka itandatu. Yahise ajyanwa muri gereza.

Uko ibintu byagiye bikurikirana

Ku itariki ya 9 Gashyantare 2021

Ni bwo urubanza rwa Anatoliy rwatangiye
Ku itariki ya 15 Nzeri 2020

Inzu ya Anatoliy bayisatse ku nshuro ya kabiri kandi abayobozi batwaye imfunguzo z’inzu
Ku itariki ya 25 Werurwe 2020

Anatoliy yatangiye gukurikiranwaho ibyaha. Bamureze ko ategura amateraniro y’umuryango wahagaritswe mu gihugu
Ku itariki ya 7 Ugushyingo 2018

Mu gitondo cya kare, inzu ya Anatoliy baje kuyisaka. Abayobozi bafatiriye mudasobwa ye, tabureti, furashi disiki, disiki na terefone ebyiri. Anatoliy yajyanywe mu biro bishinzwe gukora iperereza mu Burusiya, bamuhata ibibazo nuko nyuma y’isaha baramurekura

Icyo twamuvugaho

Anatoliy Gorbunov

Igihe yavukiye: 1957 (Dykanka, muri Ukraine)

Ibimuranga: Yarangije mu ishuri rya gisirikare ry’igisha ibijyanye n’itumanaho abasirikare barwanira mu kirere bakoresha. Yakoze muri Esitoniya no muri Kazakisitani. Nyuma yaho yagiye mu gisirikare amaramo imyaka itanu. Yashakanye na Galina mu mwaka wa 1978. Bafite abana babiri

Yahoraga yibazaga niba Imana ibaho. Nyuma yo kubona igisubizo k’icyo kibazo n’ik’ibindi bibazo by’ingenzi yibazaga, we na Galina babatijwe mu mwaka wa 1996, baba Abahamya ba Yehova

Ibyo yavuze

Muri icyo gihe ni iki wasengaga usaba Yehova?

Icyari kidukomereye cyane ni ugukomeza kurangwa n’ibyishimo, ubwo rero nasengaga kenshi ari byo nsaba. Gutekereza ku byo Yesu n’intumwa Pawulo bavuze ku birebana n’akamaro ko gukomeza kurangwa n’ibyishimo, byamfashije gukomeza kurangwa n’ikizere.

Nanone nasengaga Yehova musaba ko yamfasha nkakomeza kumwiringira. Nakundaga gutekereza ku magambo yo muri Yesaya 41:10, kandi byaramfashije cyane. Nasanze ko ikibazo nari mfite ari uko ntishingikirizaga kuri Yehova. Ubwo rero nari nkeneye kwiringira Yehova mu buryo bwuzuye no kwemera ko azamfasha. Nsenga nsaba ko yamfasha kwiyumvisha ko andi hafi.

Mu gihe Anatoliy n’umuryango we bakomeje kwishingikiriza kuri Yehova bamusenga buri gihe, twizeye ko azakomeza kubashyigikira no kubafasha gukomeza kurangwa n’ibyishimo.—Zaburi 25:1, 2.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU