14 NYAKANGA 2021 | AMAKURU MASHYA: 2 UKUBOZA 2022
U BURUSIYA

AMAKURU MASHYA—IMYANZURO Y’URUBANZA YASOMWE | Kwitegura ibitotezo byafashije Abahamya batatu gukomeza kubera Yehova indahemuka

FUNGURA

Ku itariki ya 30 Ugushyingo 2022, urukiko rw’akarere ka Ussuriyskiy mu gace ka Primorye rwahamije icyaha umuvandimwe Anton Chermnykh, Sergey Korolchuk na Dmitriy Tishchenko. Buri wese yakatiwe igifungo gisubitse cy’imyaka itandatu. Ntibizaba ngombwa ko bajyanwa muri gereza.

Uko ibintu byagiye bikurikirana

Ku itariki ya 23 Nzeri 2020

Urukiko rwatangiye kuburanisha Anton, Sergey na Dmitriy
Ku itariki ya 7 Nyakanga 2020

Anton, Sergey, na Dmitriy bashinjwe kuba bayoboye ibikorwa by’umuryango wahagaritswe bitewe n’uko ushinjwa “ubutagondwa”
Ku itariki ya 18 Kamena 2019

Sergey yamaze iminsi ibiri afunzwe by’agateganyo

Icyo twabavugaho

Anton Chermnykh

Igihe yavukiye: 1987 (Magdeburg, mu Budage)

Ibimuranga: Bavuka ari impanga kandi se yabataye bakiri bato. Arangije kwiga yakoze mu bijyanye no gukoresha porogaramu za mudasobwa

Nyina ni we watumye yiga Bibiliya. Yashimishijwe cyane n’ibisobanuro byumvikana Bibiliya itanga ku ntego y’ubuzima. Yabatijwe mu mwaka 2004. Yashakanye na Yekaterina mu mwaka wa 2013. Bafite umukobwa witwa Milana

Ibyo yavuze

Wakoze iki ngo witegure ibitotezo mbere y’igihe?

Nabitekerezagaho kenshi maze nkagerageza kwiyumvisha bimwe mu bintu bishobora kumbaho cyangwa bikaba ku muryango wange. Buri gihe nageragezaga kugira gahunda ihoraho yo kwiyigisha. Cyanecyane igihe abayobozi b’u Burusiya batangiraga gufunga Abahamya, nahise numva ko byanze bikunze bizageraho nange ngafungwa ku buryo ntabasha kubona Bibiliya n’ibitabo by’imfashanyigisho zayo.

Sergey Korolchuk

Igihe yavukiye: 1967 (Vladivostok, mu gace ka Primorye)

Ibimuranga: Yahawe imyitozo ya gisirikare kandi yabaye umukozi wa KGB. Nyuma yaje gukora mu ruganda rukora ibikoresho byo mu nzu aho yakoreshaga ibimashini binini. Vuba aha yakoraga akazi ko gukora isuku. Yashakanye na Yelena mu mwaka wa 1989. Bafite abana babiri

Yashimishijwe n’ibisobanuro Bibiliya itanga ku bibera mu isi n’ibyiringiro by’igihe kizaza. Yabatijwe mu mwaka wa 1993

Ibyo yavuze

Ni iki ibi bitotezo byakwigishije cyagufasha kuzahangana n’ibindi uzahura na byo?

Niboneye ko ibintu byose Yesu yavuze ko bizaba, bigenda bisohora. Ntidukwiriye guhangayika bikabije. Ahubwo tugomba gukomeza gutuza byashoboka tukabwira abandi ubutumwa bwiza tubigiranye amakenga kandi tububashye. Niteguye kwakira umwanzuro uwo ari wo wose urukiko ruzafata, kandi n’umuryango wange nuko.

Nubwo Anton, Sergey na Dmitriy, bakomeje guhura n’ibigeragezo hamwe n’ibitotezo, tuzi ko Yehova azakomeza kubaha imigisha kubera ko bamubera indahemuka.—Imigani 28:20.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU