26 NYAKANGA 2021
U BURUSIYA

AMAKURU MASHYA | “Ibitotezo byatumye ndushaho kuba hafi ya Yehova”

FUNGURA

Ku itariki ya 20 Mata 2022, urukiko rw’intara ya Krasnodar rwanze ubujurire bwa Vladimir Skachidub. Aracyafunzwe.

Uko ibintu byagiye bikurikirana

Ku itariki ya 11 Ukwakira 2021, urukiko rw’akarere ka Pavlovskiy mu gace ka Krasnodar rwahamaje icyaha Vladimir kandi rumukatira igifungo cy’imyaka ine n’amezi abiri
Ku itariki ya 30 Ukuboza 2020

Ni bwo urubanza rwatangiye
Ku itariki ya 23 Nyakanga 2020

Yashyizwe ku rutonde rw’abo leta yita intagondwa
Ku itariki ya 23 Kamena 2020

Yashinjwe ibyaha azira kubwiriza

Icyo twamuvugaho

Vladimir Skachidub

Igihe yavukiye: 1961 (Pavlovskaya, mu gace ka Krasnodar)

Ibimuranga: Nyuma yo kuva mu gisirikare, yagiye kwiga ibijyanye na radiyo mu ishuri ry’i Taganrog, mu ntara Rostov. Yapfushije ababyeyi afite imyaka 25. Yasubiye iwabo kujya kwita kuri mushiki we Nataliya icyo gihe wari ufite imyaka 15. Mushiki we yapfuye mu mwaka wa 2003 azize kanseri yo mu maraso. Ahantu Vladimir yakoze bwa nyuma ni mu ruganda rukora ibyuma by’imodoka. Akunda gufotora no gucuranga gitari

Igihe mushiki we Nataliya n’inshuti ye Galina biganaga Bibiliya n’Abahamya ba Yehova yagize amatsiko y’ibyo bigaga. Yashishikajwe n’ibisobanuro yahawe ku bijyanye n’irema maze yemera kwiga Bibiliya. Yaretse kunywa inzoga nyinshi no kunywa itabi. Yashakanye na Galina mu mwaka wa 1997. Yabatijwe mu mwaka wa 1998 naho Galina abatizwa mu mwaka wa 2016

Ibyo yavuze

Muri icyo gihe ni iki wasengaga usaba Yehova?

Namusabye ko anyobora, akampa umwuka we wera n’imbaraga zirenze izisanzwe. Igihe iperereza ryatangiraga, . . . Nasabye Yehova ko igihe nzaba mvugana n’umugenzacyaha yamfasha nkavuganira izina rye. Igihe nahatwaga ibibazo bwa nyuma umugenzacyaha yavuze ko nitwaye neza.

Iki kigeragezo cyagufashije gite kwitegura ibindi uzahura na byo?

Iki kigeragezo cyatumye ndushaho kwegera Yehova kandi cyanyigishije ko nta ngomba guhahamuka mu gihe k’ibibazo ahubwo ko ngomba kwiringira Yehova cyane.

Twemeranya na Vladimir ko Yehova azakomeza kumufasha ‘kugira ngo ashobore kwihangana mu buryo bwuzuye kandi yihanganire ingorane zose afite ibyishimo.’—Abakolosayi 1:11.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU