5 UKWAKIRA 2021
U BURUSIYA

AMAKURU MASHYA | Inama Vitaliy Omelchenko yagiriwe n’Abahamya bagenzi be zamufashije kwihanganira ibitotezo

FUNGURA

Ku itariki 22 Nzeri 2022, urukiko rw’akarere ka Oktyabrskiy ruri mu gace ka Murmansk rwahamije icyaha umuvandimwe Vitaliy Omelchenko. Urwo rukiko rwamuciye amande asaga 8.700.000 FRW.

Uko ibintu byagiye bikurikirana

Ku itariki 29 Mutarama 2021

Ibirego Vitaliy ashinjwa byoherejwe mu rukiko
Ku itariki 20 Mutarama 2020

Yafunzwe n’abaporisi kugira ngo bamuhate ibibazo. Yamaze iminsi ibiri afunzwe mbere y’uko arekurwa. Ntiyemerewe kuvugana n’abandi baregwa mu rubanza rumwe no gukoresha interineti
Ku itariki 23 Ukuboza 2019

Komite y’u Burusiya ishinzwe ubugenzacyaha mu gace ka Murmansk yatangiye gukurikirana Vitaliy ku byaha aregwa. Aregwa kuba akorera ibikorwa by’idini mu rugo rwe

Icyo twamuvugaho

Vitaliy Omelchenko

Igihe yavukiye: 1979 (Roslyakovo, mu gace ka Murmansk)

Ibimuranga: Akunda kubyina, kugenda ku rubura, gukora siporo yo guserebeka ku rubura no kuririmba. Yamaze imyaka ibiri mu gisirikare

Yatangiye kwigana Bibiliya n’Abahamya ba Yehova mu mwaka wa 2000. Yabatijwe mu mwaka wa 2001. Yashakanye na Natalya mu mwaka wa 2013. Nyuma y’umwaka umwe Vitaliy yararwaye cyane bimuviramo ubumuga

Ibyo yavuze

Ese haba hari umuntu wakubwiye ikintu kikagufasha kwihanganira ibigeragezo uhanganye na byo?

Hari umuvandimwe mfata nka data wanyandikiye igihe yarafunzwe. Yagize ati: “Nge nawe twigeze kuganira ku mpamvu dukwiriye kugira ubutwari, kuba indahemuka, kwiringira Yehova kandi ntidushidikanye ko azadufasha. Ubu rero ni igihe cyo kubishyira mu bikorwa.”

Ni iki cyagufashije gushikama igihe bakubeshyeraga?

Nibutse amagambo yo muri Matayo 5:11 avuga ko abantu ‘bazatubeshyera ibibi by’uburyo bwose.’ Ibyo byamfashije kwihanganira ibirego byose by’ibinyoma. Nkunda kwibuka ko abantu buntu nta cyo bari cyo ubagereranyije na Yehova.

Ni iyihe nama ushobora kugira abandi ku bijyanye n’uko bakoresha igihe cyabo bitegura ibigeragezo?

Jya usenga Yehova ngo agufashe kugira ubutwari kandi uge umwiringira no mu tuntu dutoduto. Jya ukomeza guterana amateraniro yose kandi uyifatanyemo. Jya umarana igihe n’abagize itorero mu murimo wo kubwiriza, kugira ngo nimuhura n’ibitotezo muzajye wumva ko muri kumwe.

Vitaliy akomeje kwishimira inama hamwe n’ihumure akura mu Byanditswe kandi duterwa inkunga n’urugero rwe.—Abaroma 15:4.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU