26 NYAKANGA 2023 | YAHUJWE N’IGIHE KU ITARIKI YA 20 UKUBOZA 2023
U BURUSIYA

AMAKURU MASHYA—MUSHIKI WACU YAHAMIJWE ICYAHA | ‘Buri gihe Yehova ampora hafi’

FUNGURA

Ku itariki ya 19 Ukuboza 2023, urukiko rw’akarere ka Dimitrovskiy ruri mu gace ka Kostroma, rwahamije icyaha mushiki wacu Valentina Samus. Kandi rumukatira imyaka itandatu y’igifungo gisubitse. Ntibizaba ngombwa ko ajyanwa muri gereza.

Icyo twamuvugaho

Valentina Samus

Igihe yavukiye: 1949 (Kostroma, mu ntara ya Kostroma)

Ibimuranga: Yari umuganga, ubu ari mu kiruhuko cy’izabukuru.

Yashakanye na Ivan mu mwaka wa 1970. Yabyaye umukobwa n’umuhungu

Yasengaga Imana ayisaba ko yamufasha akayimenya. Nyuma yaho yaje guhura n’Abahamya ba Yehova maze atangira kwiga Bibiliya. Yabatijwe mu mwaka wa 2007

Ibyo yavuze

Ni mu buhe buryo ubucuti ufitanye na Yehova bwarushijeho gukomera muri ibi bihe bitoroshye?

Narushijeho kwizera ntashidikanya ko Yehova azakomeza kumfasha kandi ko atazigera ahinduka. Yehova ni Papa, kandi buri gihe ampora hafi. Niboneye ko iyo musenze inshuro nyinshi bindinda ubwoba n’imihangayiko. Igihe cyose mba nshobora kumubwira ibyo nifuza byose ntawe mbanje kwaka uruhushya. Kandi nizera ko iyo yemeye ibintu runaka bikambaho aba ari njye bifitiye akamaro. Ibyo bituma nifuza gukomeza kumubera indahemuka ibyo ari byo byose byambaho. Kwibonera uburyo abagaragu ba Yehova bakomeza kumukorera bafite ibyishimo nubwo baba batotezwa, binyemeza ko Yehova ari we uduha imbaraga zo gukomeza kumubera indahemuka. Mpora nsaba Yehova kumfasha ngakomeza kugira ukwizera gukomeye kandi urukundo mukunda ntirucogore ahubwo rukarushaho kwiyongera.

Duhumurizwa n’uko mu bigeragezo byose twahura na byo, dushobora gukomeza kwishingikiriza kuri Yehova kandi twizera ko “nta gitare kiruta Imana yacu.”—1 Samweli 2:2.

Uko ibintu byagiye bikurikirana

Ku itariki ya 17 Gashyantare 2022

Yatangiye gukurikiranwaho ibyaha
Ku itariki ya 15 Werurwe 2022

Inzu ye barayisatse
Ku itariki ya 15 Ukuboza 2022

Yashinjwe ibyaha kandi ategekwa ko hari ibintu runaka agomba kubahiriza
Ku itariki ya 24 Werurwe 2023

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU