21 UKUBOZA 2021 | YAHUJWE N’IGIHE KU ITARIKI YA 24 MUTARAMA 2024
U BURUSIYA

AMAKURU MASHYA—MUSHIKI WACU YAHAMIJWE ICYAHA | Mushiki wacu Yelena Menchikova akomezwa n’ingero z’abantu babaye indahemuka hamwe n’isengesho yaturaga incuti ye

FUNGURA

Ku itariki ya 23 Mutarama 2024, urukiko rw’umujyi wa Cherkessk rwo muri Repubulika ya Karachayevo-Circassian rwahamije icyaha mushiki wacu Yelena Menchikova kandi rumukatira igifungo gisubitse cy’imyaka ine n’amezi atandatu. Ntibizaba ngombwa ko ajyanwa muri gereza.

Ku itariki ya 5 Ukuboza 2022, urugereko rwa Gatanu rw’Urukiko Rusesa Imanza, rwemeje ko urubanza rwa mushiki wacu Yelena Menchikova rusubirwamo. Urubanza rwe ruzongera ruburanishwe.

Uko ibintu byagiye bikurikirana

Ku itariki ya 15 Ukuboza 2021

Urukiko rw’umujyi wa Cherkessk ruherereye muri Repubulika ya Karachayevo-Circassian rwahamije icyaha mushiki wacu Yelena kandi rumukatira igifungo gisubitse cy’imyaka itanu.
Ku itariki ya 9 Kamena 2021

Ni bwo urubanza rwatangiye
Ku itariki ya 9 Werurwe 2021

Ubugenzacyaha bwongeye kuzamura ikindi kirego bushinja mushiki wacu, icyo gihe bwo yashinjwaga “gutegura ibikorwa by’ubugizi bwa nabi” no gushishikariza abandi kwifatanya mu bikorwa by’umuryango ushinjwa ubutagondwa
Ku itariki ya 10 Gashyantare 2021

Abashinzwe iperereza banze ubusabe bwa Yelena bwo gutesha agaciro ibyo ashinjwa nyuma yo kwisobanura akoresheje Bibiliya. Kubera ko yisobanuye akoresheje Bibiliya abashinzwe iperereza baboneyeho kwemeza ko ibyo ashinjwa ari ukuri
Ku itariki ya 13 Ugushyingo 2020

Abashinzwe iperereza bashinje ibyaha mushiki wacu bamuziza kuririmba indirimbo z’ubwami no gusenga Yehova
Ku itariki ya 12 Ugushyingo 2020

Abayobozi basatse urugo rwa Yelena ku nshuro ya kabiri
Ku itariki ya 16 Ukuboza 2019

Abapolisi bo mu rwego rushinzwe ubutasi bo mu gace ka Cherkessk basatse ingo icumi z’Abahamya ba Yehova harimo n’urwa mushiki wacu Yelena

Icyo twamuvugaho

Yelena Menchikova

Igihe yavukiye: 1964 (Zaporzhye, muri Ukraine)

Ibimuranga: Yakuriye mu kigo cy’imfubyi. Yakoraga mu bwubatsi bwa sitasiyo z’ingufu za nikeleyeri, bituma agira ibibazo by’uburwayi. Guhera mu mwaka wa 2003, yatangiye gukora akazi ko gukora ibishushanyo mbonera

Ntiyemeraga ko Imana ibaho. Kwigana Bibiliya n’Abahamya ba Yehova byatumye yemera ko hariho Umuremyi kandi ko afitiye umugambi iyi si. Yabatijwe mu mwaka wa 1995. Akunda kuzamuka imisozi no gushushanya

Ibyo yavuze

Ni gute isengesho ryatumye ubucuti ufitanye na Yehova burushaho gukomera?

[Nkunda] kumara umwanya nsenga ndi hanze mu busitani, nkikijwe n’ibintu Imana yaremye. . . . Nsuka ibindi mu mutima imbere ya Yehova maze nkamubwira ibyo ntekereza byose, uko niyumva n’ibimpangayikishije byose. Uko Yehova akomeza gutuma ngira amahoro yo mu mutima no gutuza, bituma ndushaho kuba incuti ye.

Yehova yambereye incuti magara kandi ikibazo icyo ari cyo cyose nahura na cyo, buri gihe aba yiteguye guhita amfasha. Ibintu byagenda neza cyangwa bikaba byaba bibi, nzi ko buri gihe nshobora kumusenga.

Ni gute ingero z’abagore babaye indahemuka bavugwa muri Bibiliya zigufasha?

Ingero z’abagore babaye indahemuka bavugwa muri Bibiliya urugero nka Sara, Rahabu, Hana na Mariya ziramfasha cyane. . . . Abo bagore bahuye n’ibintu bikomeye. Nubwo byari bimeze bityo, bakoze uko bashoboye kose bagira ubutwari kandi bashyizeho imihati barwanirira ukwizera. Yehova na we yarabagororeye kubera ko bamubereye indahemuka.

Dusenga dusaba ko Yehova yakomeza guhumuriza no guha imbaraga mushiki wacu Yelena n’abandi bagaragu be bakomeje kuba indahemuka mu bigeragezo bahanganye na byo.—Zaburi 119:49, 50.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU