20 KAMENA 2023| YAHUJWE N’IGIHE KU ITARIKI YA 23 KANAMA 2023
U BURUSIYA

AMAKURU MASHYA—MUSHIKI WACU YAHAMIJWE ICYAHA | “Nanjye nshobora gukomeza kuba indahemuka”

FUNGURA

Ku itariki ya 22 Kanama 2023, urukiko rw’akarere ka Oktyabrskiy ruherereye mu ntara ya Novosibirsk, rwahamije icyaha mushiki wacu Tatyana Oleynik kandi rutegeka ko akatirwa imyaka ine y’igifungo gisubitse. Ntibizaba ngombwa ko ajyanwa muri gereza.

Icyo twamuvugaho

Tatyana Oleynik

Igihe yavukiye: 1952 (Khrushchevo, mu ntara ya Tula)

Ibimuranga: Igihe yari afite imyaka itanu mama we yarapfuye. Yakoraga mu bijyanye no gukoresha imashini ziterura ibintu. Afite abana babiri, umuhungu n’umukobwa

Yabatijwe mu mwaka wa 2001

Ibyo yavuze

Ni uwuhe muco wa gikristo ugufasha kwihangana?

Kubera ko mfite ibibazo byinshi, nasobanukiwe neza akamaro ko kwicisha bugufi. Nabonye ko mu bihe byashize nakoraga ibintu mu buryo bwanjye. Ariko maze kubona ukuntu gukurikiza amabwiriza yose duhabwa n’umuryango wa Yehova bitugirira akamaro, byatumye ndushaho kwiyemeza kujya nyakurikiza.

Kubona ukuntu abandi bagira ubutwari mu bitotezo byakumariye iki?

Iyo nsomye cyangwa nkumva inkuru z’abavandimwe na bashiki bacu bakomeza kuba indahemuka mu bitotezo, mpita numva ko ntari njyenyine. Bantera inkunga bigatuma nanjye nkomeza kubera Yehova indahemuka. Umuvandimwe Aleksandr Seredkin n’umugore we turaziranye. Ubu ari muri gereza kandi yakatiwe imyaka itandatu. Ibyababayeho byanteye inkunga kandi byanyeretse ko Yehova afite uburyo bwinshi bwo kudufasha. Amagambo yo mu Baheburayo 13:5, 6 ni ukuri. Agira ati: “Kuko [Imana] yavuze iti “sinzagusiga rwose kandi sinzagutererana. Bityo dushobora kugira ubutwari bwinshi tukavuga tuti “Yehova ni we umfasha, sinzatinya. Umuntu yantwara iki?’”

Twizeye tudashidikanya ko Yehova azakomeza guha imigisha mushiki wacu Tatyana hamwe n’abandi bose bakomeza kugaragaza ko “biteguye kumvira” muri byose.—Yakobo 3:17.

Uko ibintu byagiye bikurikirana

Ku itariki ya 19 Mata 2019

Urugo rwe rwarasatswe
Ku itariki ya 18 Ugushyingo 2021

Yakorewe idosiye
Ku itariki ya 26 Mutarama 2023

Ni bwo urubanza rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU