1 GICURASI 2024| YAHUJWE N’IGIHE KU ITARIKI YA 9 NYAKANGA 2024
U BURUSIYA

AMAKURU MASHYA—MUSHIKI WACU YAHAMIJWE ICYAHA | “Nta buzima bwandutira ubu”

FUNGURA

Ku itariki ya 8 Nyakanga 2024 urukiko rw’akarere ka Tsentralniy ko mu gace ka Tolyatti mu ntara ya Samara, rwahamije icyaha mushiki wacu Galina Komissarova, maze rumukatira imyaka ibiri y’igifungo gisubitse. Ntibizaba ngombwa ko ajyanwa muri gereza.

Icyo twamuvugaho

Galina Komissarova

Igihe yavukiye: 1961 (Moscow, mu ntara ya Moscow)

Ibimuranga: Mbere y’uko ajya mu kiruhuko cy’izabukuru, yari umwarimu, yanabaye umujyanama mu mashuri n’umuganga uganiriza abarwaye indwara zo mu byiyumvo

Yashakanye na Dmitriy mu mwaka wa 1990. Bari bafitanye abana babiri, umuhungu n’umukobwa. Dmitriy yapfuye mu mwaka wa 2003

Yakozwe ku mutima n’inama zifatika Bibiliya itanga. Yabatijwe mu mwaka wa 2003

Ibyo yavuze

Ni iki cyatumye udacika intege mu murimo ukorera Yehova?

Namenye ko Yehova ari Imana iha agaciro ibintu byose nkora kugira ngo nyibere indahemuka, ndetse n’iyo byaba ari bito cyane. Ibi byansunikiye gukora ibyo nshoboye byose, kugira ngo nyishimishe kandi sinyitenguhe bitewe n’icyizere imfitiye. Uko ibibazo nahura na byo byaba bimeze kose mu buzima, nta buzima bwandutira ubu. Siniyumvisha ukuntu nabaho ntari umugaragu wa Yehova.

Kimwe na Galina, twishimira cyane kumenya Yehova ndetse no kumukorera tubigiranye ubuzima bwacu bwose, tuzi ko ‘turi abe.’—Abaroma 14:8.

Uko ibintu byagiye bikurikirana

Ku itariki ya 7 Nzeri 2023

Yatangiye gukurikiranwa mu nkiko
Ku itariki ya 8 Nzeri 2023

Aho yari ari harasatswe kandi Galina bajya kumuhata ibibazo
Ku itariki ya 19 Nzeri 2023

Yamenyeshejwe ko atemerewe kurenga agace atuyemo
Ku itariki ya 18 Ukuboza 2023

Ni bwo urubanza rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU