1 GICURASI 2023| YAHUJWE N’IGIHE KU ITARIKI YA 30 KANAMA 2023
U BURUSIYA

AMAKURU MASHYA—MUSHIKI WACU YARAKATIWE | “Ibibazo byanjye ni iby’igihe gito”

FUNGURA

Ku itariki ya 28 Kanama 2023 urukiko rw’akarere ka Karachayevo muri Repubulika ya Circassian rwahamije icyaha mushiki wacu Irina Perefileva kandi rutegeka ko akatirwa igifungo gisubitse cy’imyaka ine n’igice. Ntibizaba ngombwa ko ajyanwa muri gereza.

Icyo twamuvugaho

Irina Perefileva

Igihe yavukiye: 1965 (Verkhnyaya Pyshma, mu gace ka Sverdlovsk)

Ibimuranga: yakoze mu bwubatsi no mu bijyanye no gukora isuku

Afite abahungu babiri

Mama we ni we watumye amenyana n’Abahamya ba Yehova. Yishimiye kumenya ibyo Bibiliya yigisha ku birebana n’intego y’ubuzima, kugira ibyishimo n’igihe kizaza. Yabatijwe mu mwaka wa 2003

byo yavuze

Ni mu buhe buryo ibyakubayeho byakomeje ukwizera kwawe?

Igihe bampataga ibibazo ku nshuro ya mbere, nari mpangayitse cyane. Nasenze Yehova ngo ampe amahoro yo mu mutima kandi amfashe gukomeza gutuza. Kandi rwose yaramfashije, nshobora gukomeza gutuza no kuvuga neza kandi nirinda kwicira urubanza mu bibazo byose.

Nanone abavandimwe na bashiki bacu baramfashije cyane. Banyibukije ko ibibazo mpura na byo ari iby’igihe gito kandi ko Yehova andi iruhande kugira ngo amfashe kandi andinde. Kuba baranteye inkunga byarankomeje cyane.

Kimwe na Irina, duhumurizwa no kumenya ko, uko ibigeragezo twahura na byo byaba biri kose, ari iby’‘akanya gato kandi bitaremereye’ ugereranyije n’imigisha Yehova azaha abagaragu be b’indahemuka.—2 Abakorinto 4:17.

Uko ibintu byagiye bikurikirana

Ku itariki ya 9 Mutarama 2021

Urugo rwe rwarasatswe
Ku itariki ya 22 Ugushyingo 2021

Ni bwo dosiye ye yatangiye
Ku itariki ya 23 Ugushyingo 2021

Bongeye gusaka urugo rwe
Ku itariki ya 29 Ugushyingo 2021

Yashinjwe kwifatanya mu bikorwa by’umuryango ushinjwa ubutagondwa
Ku itariki ya 15 Ukwakira 2022

Yabujijwe kurenga agace atuyemo
Ku itariki ya 6 Ukuboza 2022

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU