20 MATA 2022
U BURUSIYA

AMAKURU MASHYA | Maksim Zavrazhnov akomeje kurangwa n’icyizere

FUNGURA

Ku itariki ya 30 Gicurasi 2022, urukiko rw’akarere ka Moskovskiy ruri mu mujyi wa Nizhny Novgorod rwahamije icyaha umuvandimwe Maksim Zavrazhnov kandi rumukatira igifungo gisubitse cy’imyaka itandatu. Ntibizaba ngombwa ko ajyanwa muri gereza.

Uko ibintu byagiye bikurikirana

Ku itariki ya 4 Kamena 2019

Yatangiye gukorwaho iperereza ku byaha yashinjwaga
Ku itariki ya 17 Nyakanga 2019

Yashinjwe icyaha ko gutegura ibikorwa by’ubutagondwa. Yarafashwe, ahatwa ibibazo kandi amara ijoro ryose afunzwe
Ku itariki ya 18 Nyakanga 2019

Yabwiwe ko atemerewe gukoresha interineti na telefone kandi ntiyari yemerewe kuva mu rugo iwe hagati ya 9:00 z’ijoro na 9:00 za mu gitondo.
Ku itariki ya 3 Gashyantare 2020

Yakuriweho ibyo yari abujijwe
Ku itariki ya 26 Gashyantare 2020

Abayobozi bamumenyesheje ko atemerewe kugira aho ajya
Ku itariki ya 6 Ukuboza 2021

Ni bwo urubanza rwatangiye

Icyo twamuvugaho

Maksim Zavrazhnov

Igihe yavukiye: 1981 (Nizhny Novgorod)

Ibimuranga: Yarangije kwiga mu ishuri ry’umuzika aho yize gucuranga piyano. Ni umutekinisiye mu by’ubwubatsi. Yashakanye na Nadezhda mu mwaka wa 2008

Akiri umwana mama we yamwigishije Bibiliya. Yabatijwe mu mwaka wa 2000

Ibyo yavuze

Ni iki cyagufashije gukomeza kurangwa n’icyizere muri ibi bihe bitari byoroshye?

Igihe cyose iyo ngeze mu bibazo, ni bwo mbona ko Yehova andi hafi. Rwose nibonera ukuboko kwe gukomeye. Mu bihe nk’ibyo Papa wo mu ijuru aramfasha singire ubwoba bwo gutinya ibigeragezo bizaza ahubwo nkakomeza kurangwa n’icyizere.

Ibi bigeragezo byakwigishije iki kuri Yehova?

Ibyambayeho byanyigishije byinshi kuri Yehova. Nabonye ko ari umubyeyi utwitaho, udutega amatwi, ugira ubuntu, utugirira impuhwe kandi wiyumvisha uko tumerewe. Buri gihe ntangazwa n’ukuntu Yehova ashobora gukoresha ibintu bibi bitugeraho maze akatwigisha, akadutoza imico runaka cyangwa akadufasha kwikosora. Ibyo byamfashije kurushaho gukomeza ubucuti dufitanye kandi byampaye amahoro.

Nubwo abavandimwe bacu bo mu Burusiya no muri Crimea bakomeje gutotezwa, icyizere dufitiye Yehova gikomeza kwiyongera. Tuzi ko atazatererana indahemuka ze.—Abaheburayo 13:5.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU