23 NZERI 2021
U BURUSIYA

AMAKURU MASHYA—UBUJURIRE BWATESHEJWE AGACIRO | Bashiki bacu batandatu n’umuvandimwe bakomeje kwishingikiriza kuri Yehova no kuri bagenzi babo bahuje ukwizera

FUNGURA

Ku itariki ya 26 Nzeri 2022, urukiko rwo mu ntara ya Primorye rwanze ubujurire rwa mushiki wacu Nadezhda Anoykina, Lyubov Galaktionova, Nailya Kogay, Nina Purge, Raisa Usanova n’umuvandimwe Valentin Osadchuk. Ntibizaba ngombwa ko bajyanwa muri gereza.

Ku itariki ya 1 Kamena 2022, urukiko rw’akarere ka Leninskiy ruherereye mu gace ka Vladivostok rwahamije icyaha Nadezhda, Lyubov, Nailya, Nina, Raisa hamwe na Valentin. Bashiki bacu buri wese yakatiwe igifungo gisubitse cy’imyaka ibiri. Naho umuvandimwe Valentin we yakatiwe igifungo gisubitse cy’imyaka itandatu. Mushiki wacu Yelena Zayshchuk ufite imyaka 87, we ibirego ashinjwa byabaye bisubitswe kubera ko arwaye cyane.

Uko ibintu byagiye bikurikirana

Ku itariki ya 19 Mutarama 2021

Ibirego byabo byoherejwe mu rukiko rw’akarere ka Leninskiy ruherereye mu gace ka Vladivostok
Ku itariki ya 12 Ugushyingo 2019

Ibirego byabo byashubijwe mu bushinjacyaha
Ku itariki ya 5 Mata 2019

Nyuma y’uko Valentin, amaze amezi 9 afunzwe by’agateganyo, akaba ari nawe muvandimwe wenyine muri uru rubanza, yararekuwe maze afungishwa ijisho
Ku itariki ya 19 Mata 2018

Abapolisi bo mu rwego rushinzwe ubutasi basatse ingo zirindwi z’Abahamya ba Yehova
Ku itariki ya 9 Mata 2018

Urwego rushinzwe iperereza rukorera mu rwego rushinzwe ubutasi rwo mu gace ka Primorsky rwatanze ikirego, rushinja ibyaha umuvandimwe Valentin na bashiki bacu batandatu

Icyo twabavugaho

Nailya Kogay

Igihe yavukiye: 1951 (Tashkent, muri Uzubekisitani)

Ibimuranga: Afite basaza be babiri. Akiri umwana yakundaga gukora siporo. Arangije amashuri yisumbuye yabaye injeniyeri mu bwubatsi. Ubu ari mu kiruhuko cy’izabukuru. Yashakanye na Robert mu mwaka wa 1975. Bafite abana babiri. Mu mwaka wa 1989, basanze Robert afite uburwayi bwatumye amugara ku buryo yitabwagaho buri gihe. Bimukiye mu mugi wa Vladivostok mu mwaka wa 2003

Yemeye ko Bibiliya ari Ijambo ry’Imana, igihe yatangiraga kwigana Bibiliya n’Abahamya ba Yehova. Ashimishwa n’uko Bibiliya ivuga ibintu byumvikana neza kandi ko irimo ibintu bigaragaza urukundo rw’Imana. Yabatijwe mu mwaka wa 1997

Ibyo yavuze

Haba hari ikintu umubwiriza wo mu itorero ryawe yakubwiye kikagufasha kwihanganira ibigeragezo?

Numvishe bashiki bacu benshi bavuga bati: “Utubera urugero rwiza, uri icyitegererezo kuri twe. Turagukunda, niba ushobora kubyihanganira natwe twabishobora!”

Nina Purge

Igihe yavukiye: 1940 (Pesok, mu gace ka Pskov)

Ibimuranga: Afite musaza we muto. Yakuze mu gihe cy’Intambara ya Kabiri y’Isi Yose. Mu mwaka wa 1942, umudugudu w’iwabo wigaruriwe n’ingabo z’Abadage. Umuryango we warokotse ku kaburembe igihe abantu bicwaga n’Abanazi

Yashatse umugabo igihe yigaga mu ishuri ryigisha ibijyanye n’amato muri Esitoniya. Bimukiye mu mugi wa Vladivostok, aho umugabo we yari yoherejwe gukorera

Mu mpera z’umwaka wa 1990, yatangiye kwigana Bibiliya n’Abahamya ba Yehova. Yamenye ko buri gihe agomba kwishingikiriza ku Mana. Yabatijwe mu mwaka wa 1999

Ibyo yavuze

Ni mu buhe buryo ibyakubayeho byatumye ubucuti ufitanye na Yehova bukomera?

Natangiye kurushaho kwiringira Yehova. Namusabye kumpa imbaraga zo kwihangana kugeza ku iherezo no gukomeza kumubera indahemuka. Umurongo wo muri Yesaya 41:13 wamfashije kugira ubutwari, nkumva ko Data wo mu ijuru anshyigikiye, kandi niteguye guhangana n’ibizambaho byose.

Raisa Usanova

Igihe yavukiye: 1947 (Kuznetsovo)

Ibimuranga: Afite basaza be batatu na murumuna we. Arangije amashuri yisumbuye, yimukiye mu gace ka Vladivostok kugira ngo ajye kwimenyereza ibijyanye no gukanika gari ya moshi. Yarashatse kandi afite abakobwa babiri. Yamaze imyaka 25 ari umushoferi wa bisi. Ubu ari mu kiruhuko cy’izabukuru

Mu mwaka wa 2000, yapfushije mama we, murumuna we na musaza we. Nyuma yaho yatangiye kwibaza impamvu abantu bapfa, kandi akibaza niba hari ibyiringiro ku bantu bapfuye. Igihe yiganaga Bibiliya n’Abahamya ba Yehova yabonye ibisubizo bimunyuze kandi bihuje n’ubwenge by’ibibazo yari afite. Yabatijwe mu mwaka wa 2002

Ibyo yavuze

Ni iki ibi bigeragezo byakwigishije kizagufasha no mu gihe kizaza?

Byanyigishije kumenya kwifata by’umwihariko mu byo mvuga, kwihangana no kurushaho kwiringira Yehova. Nanone nongereye igihe namaraga niyigisha. . . . Nifuza gukomeza kubera Yehova indahemuka kugeza ku iherezo.

Ukora iki ngo witegure ibigeragezo ushobora kuzahura na byo?

[Ngerageza] gutekereza ku mirongo yo muri Bibiliya nibuka kandi umwuka wera uzamfasha kuyizirikana mu gihe nyikeneye.—Yohana 14:26.

Dukomeje guterwa inkunga n’urugero rwiza abavandimwe na bashiki bo mu Burusiya baduha. Berekana ko bakomeje kugira ukwizera kugira ngo barokore ubugingo bukomeze kubaho.—Abaheburayo 10:39.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU