28 MATA 2023 | YAHUJWE N’IGIHE KU ITARIKI YA 16 KAMENA 2023
U BURUSIYA

AMAKURU MASHYA—UMUVANDIMWE ROMAN YAHAMIJWE ICYAHA | “Nta kintu na kimwe cyambuza kugira ibyishimo”

FUNGURA

Ku itariki ya 15 Kamena 2023, Urukiko rw’Akarere ka Kovrovskiy ruherereye mu gace ka Vladimir rwahamije icyaha umuvandimwe Roman Adestov, maze rumukatira igifungo cy’umwaka umwe. Kubera ko yari amaze igihe afunzwe by’agateganyo ntibizaba ngombwa ko afungwa.

Icyo twamuvugaho

Roman Adestov

Igihe yavukiye: 1976 (Kovrov)

Ibimuranga: Igihe Roman yari afite imyaka 13 ni bwo papa we yapfuye. Akora mu bijyanye no gusudira akoresheje amashanyarazi na gaze

Yashakanye na Alina mu mwaka wa 1999. Bafite umukobwa umwe

Amaze kubona ko gukurikiza inyigisho zo muri Bibiliya byatumye agira ubuzima bwiza. Yemeye ko Bibiliya ifite imbaraga. Alina yabatijwe mu mwaka wa 2005 naho Roman abatizwa mu mwaka wa 2006

Ibyo yavuze

Ni mu buhe buryo abavandimwe na bashiki bacu bagufashije?

Nshimishwa no kumenya ko hirya no hino ku isi hari abavandimwe na bashiki bacu bakunda Yehova nk’uko na njye mukunda. Kumenya ko abavandimwe na bashiki bacu benshi basenga bansabira, bituma nkomeza gukorera Yehova kandi nkaguma mu nzira y’ubuzima natangiye. Nanone njye n’umugore wanjye twashyize mu bikorwa inama umuvandimwe yaduhaye. Yatwibukije ko tugomba gukomeza kwita ku bandi kuko turamutse tubiretse, twatangira kwitekerezaho. Dukora uko dushoboye kose tukita ku bandi, kandi ibyo biradufasha bigatuma tudahangayikishwa n’ibibazo dufite. Nshimishwa nuko Yehova yemeye ko mba umwe mu bagize umuryango we.

Ni iki kigufasha gukomeza kurangwa n’icyizere nubwo uba utazi uko ibintu bizagenda?

Sinshobora kumenya ibyo ejo hazaza, kandi sinshobora kwitegura buri kantu kose nzahura na ko. Icyakora, nshobora gukomeza kwiringira ko Yehova anyemera kandi ko azamfasha gukomeza kwihanganira ibibazo byo muri iyi si mbi no gukomeza kumubera indahemuka. Ninitegura icyamfasha gukomeza gukorera Yehova n’umutima wanjye wose, ntakizambuza gukomeza kugira ibyishimo.

Twizeye tudashidikanya ko Yehova, “we Gitare cy’iteka ryose,” azakomeza ‘kurinda abamwiringiye’ kandi ko azabaha ‘amahoro ahoraho.’—Yesaya 26:3, 4.

Uko ibintu byagiye bikurikirana

Ku itariki ya 28 Kamena 2021

Yakorewe dosiye
Ku itariki ya 8 Nyakanga 2021

Yarafashwe arafungwa kandi urugo rwe rwarasatswe
Ku itariki ya 9 Nyakanga 2021

Yafunzwe by’agateganyo
Ku itariki ya 25 Ugushyingo 2021

Yararekuwe maze afungishwa ijisho
Ku itariki ya 21 Kamena 2022

Yaretse gufungishwa ijisho amenyeshwa ko atemerewe kurenga agace atuyemo
Ku itariki ya 26 Nzeri 2022

Ni bwo urubanza rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU