27 MATA 2023| YAHUJWE N’IGIHE KU ITARIKI YA 28 KAMENA 2024
U BURUSIYA

AMAKURU MASHYA—UMUVANDIMWE SERGEY YAHAMIJWE ICYAHA | “Nta kintu na kimwe twabuze”

FUNGURA

Ku itariki ya 27 Kamena 2024, urukiko rw’akarere ka Maiminskiy muri Repubulika ya Altai, rwahamije icyaha umuvandimwe Sergey Petrenko, maze rumukatira igifungo gisubitse cy’imyaka ine. Ntibizaba ngombwa ko ajyanwa muri gereza.

Icyo twamuvugaho

Sergey Petrenko

Igihe yavukiye: 1979 (Ulan-Ude, Repubulika ya Buryatia)

Ibimuranga: Yakoze mu bijyanye no gusudira no kwita ku nyubako

We n’abagize umuryango we, batangiye kwigana Bibiliya n’Abahamya ba Yehova. Yashimishijwe cyane n’ibyiringiro by’umuzuko. Yabatijwe mu mwaka wa 1996

Yashakanye na Uliana mu mwaka wa 2013

Ibyo yavuze

Ni mu buhe buryo Yehova yagufashije wowe n’umuryango wawe?

Hashize amezi menshi ntangiye gukurikiranwa mu nkiko, umukoresha wanjye yagize ubwoba nuko ansaba gusezera. Ibyo byatumye kubonera abagize umuryango wanjye ibyo bakeneye bingora cyane. Ariko nanone byatumye ndushaho kwiringira Yehova no kwibonera ukuntu anyitaho. Urugero, abavandimwe na bashiki bacu bo mu gace k’iwacu baradufashaga cyane: badushyiraga mu masengesho kenshi, bakamperekeza mu rubanza kandi bakanaduha ibintu twabaga dukeneye. Kuva natangira gukurikiranwa mu nkiko nta kintu na kimwe twigeze tubura.

Kimwe na Sergey, tuzi ko Yehova atazareka kutwitaho nidukomeza kumubera indahemuka.—2 Samweli 22:19, 20.

Uko ibintu byagiye bikurikirana

Ku itariki ya 16 Mutarama 2022

Urugo rwe rwarasatswe
Ku itariki ya 28 Nyakanga 2022

Yatangiye gukurikiranwa mu nkiko
Ku itariki ya 7 Ukuboza 2022

Yamenyeshejwe ko atagomba kurenga agace atuyemo
Ku itariki ya 22 Ukuboza 2022

Ni bwo urubanza rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU