23 KANAMA 2023| AMAKURU MASHYA: 25 KAMENA 2024
U BURUSIYA

AMAKURU MASHYA—UMUVANDIMWE VALERIY YACIWE AMANDE | “Ndushaho gukomera”

FUNGURA

Ku itariki ya 24 Kamena 2024, urukiko rw’umujyi wa Lesosibirsk ruri mu gace ka Krasnoyarsk, rwahamije icyaha umuvandimwe Valeriy Schitz, maze rumuca amande arenga miriyoni 9 z’amafaranga y’u Rwanda.

Icyo twamvugaho

Valeriy Schitz

Igihe yavukiye: 1966 (Bolshaya Murta, mu ntara ya Krasnoyarsk)

Ibimuranga: Yakoze mu bijyanye no kubaka

Yashakanye na Irina mu mwaka wa 1987. Bafite abahungu babiri

We n’umugore we batangiye kwigana Bibiliya na Abahamya ba Yehova. Yashimishijwe cyane n’isohozwa ry’ubuhanuzi bwo muri Bibiliya n’uburyo gushyira mu bikorwa inama ziyikubiyemo bigira akamaro. Bombi babatijwe mu mwaka wa 2008

Ibyo yavuze

Kuba abavandimwe na bashiki bacu baragufashije byakwigishije iki?

Igihe abavandimwe na bashiki bacu bamenyaga ibyatubayeho, baradufashije kandi batugaragariza urukundo. Bahoraga biteguye gukoresha igihe cyabo n’imbaraga zabo kugira ngo badufashe. Naje kumenya ko bigitangira kwemera ko abandi bamfasha byabanje kungora. Gutanga bihesha ibyishimo kurusha guhabwa, bwo rero numvaga nahora n’ibonera ibyo byishimo. Ariko naje kumenya ko nkwiriye guhindura uko mbona ibintu, maze nkemera ko abandi nabo bamfasha. Ibyo byatumye nibonera ibyishimo biterwa no kubona abandi bigana Yehova na Yesu mu birebana ko kugaragaza urukundo.

Ni iki cyagufashije gukomeza gushikama?

Buri mukristo wese azahura n’ibintu bigerageza kwizera kwe. Ashobora kutazafungwa, ariko wenda agahura n’uburwayi, akarengane cyangwa gupfusha uwo yakundaga. Amagambo ari muri Yakobo 1:3, anyibutsa ko iyo ‘ukwizera kwanjye kugeragejwe, bituma nihangana.’ Buri gihe nsenga Yehova mubwira ibindi ku mutima. Kandi uko ndushaho kumusenga, ni ko numva ndushijeho kuba incuti ye. Kandi nanone kumenya ko abavandimwe na bashiki bacu bo hirya no hino ku si basenga basabira, bintera inkunga kandi bikankomeza. Ibi bitotezo bishobora gutuma numva negekaye kandi bigatuma hari ibyo ntabasha gukora, ariko nta cyo bizageraho. Ahubwo bituma ndushaho gukomera.

Duhumurizwa ko kumena ko uko ibigeragezo twahura na byo byaba bimeze kose, Yehova n’abavandimwe na bashiki bacu bazadufasha.—1 Petero 5:9, 10.

Uko ibintu byagiye bikurikirana

Ku itariki ya 19 Ugushyingo 2021

Yakorewe dosiye
Ku itariki ya 25 Ugushyingo 2021

Urugo rwe rwarasatswe kandi ajya guhatwa ibibazo
Ku itariki ya 26 Ugushyingo 2021

Yabujijwe gukora ibikorwa bimwe na bimwe
Ku itariki ya 18 Gicurasi 2022

Yabujijwe kuva mu gace atuyemo
Ku itariki ya 10 Mata 2023

Ni bwo urubanza rwe rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU