12 NZERI 2022 | YAHUJWE N’IGIHE KU ITARIKI YA 13 KAMENA 2023
U BURUSIYA

AMAKURU MASHYA—UMUVANDIMWE YAHAMIJWE ICYAHA | Aleksandr Shutov akomeje kwishingikiriza kuri Yehova

FUNGURA

Ku itariki ya 9 Kamena 2023, urukiko rw’akarere ka Lazo, ruri mu gace ka Khabarovsk rwahamije icyaha umuvandimwe Aleksandr Shutov kandi rumukatira igifungo gisubitse cy’imyaka ibiri. Ntibizaba ngombwa ko azajyanwa muri gereza.

Uko ibintu byagiye bikurikirana

Ku itariki ya 26 Nyakanga 2021

Ni bwo dosiye ye yatangiye
Ku itariki ya 30 Nyakanga 2021

Urugo rwe rwarasatswe. Aleksandr yarafatwa, ajya guhatwa ibibazo maze nyuma yaho arerekurwa ariko agira ibyo ategekwa
Ku itariki ya 3 Kanama 2021

Yongewe ku rutonde rw’abo leta y’u Burusiya yita intagondwa
Ku itariki ya 28 Mata 2022

Ni bwo urubanza rwatangiye

Icyo twamuvugaho

Aleksandr Shutov

Igihe yavukiye: 1952 (Pionerskiy mu ntara ya Irkutsk)

Ibimuranga: Yatangiye gukora mu mirima afite imyaka 15. Ubu ari mu kiruhuko cy’izabukuru

Yashakanye na Rosa mu mwaka wa 1973. Bafite abana 4, abuzukuru 11 n’abuzukuruza 3

Mama we yigishijwe Bibiliya n’Abahamya ba Yehova bari barajyanye muri Siberiya. Yabatijwe mu mwaka wa 1975. Mu mwaka wa 1976 yakatiwe umwaka umwe azira kwanga kujya mu gisirikare

Ibyo yavuze

Ese ushobora kutubwira amasomo wavanye ku kuba warafunzwe bwa mbere mu mwaka 1976?

Ndibuka ikintu kimwe cyambayeho icyo gihe. Igihe bari bajyanye muri gereza umwe mu bakozi ba KGB yaravuze ati: “Tugiye gukora urugendo rurerure, ubwo rero byaba byiza tugiye tuganira?” Maze kumusubiza ibibazo byose yari yambajije, yaravuze ati: “Nakwitegereje, mbona utuje. Wagira ngo nkujyanye mu rugo si muri gereza.” Niboneye ko iyo ukomeje kubera Yehova indahemuka, ukajya umusaba ko agufasha, na we aragufasha ugatuza. Icyo gihe numvaga wagira ngo nta kibazo mfite. No muri ibi bihe nabwo mba ngomba kwishingikiriza kuri Yehova kandi mugisha inama.

Uko ibitotezo birushaho kwiyongera, Twese dukeneye kurushaho gukomeza kwizera kwacu kandi tukiyemeza ‘kwiringira ineza yuje urukundo y’Imana kugeza ibihe bitarondoreka, ndetse iteka ryose.’—Zaburi 52:8.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU