21 NZERI 2022 | YAHUJWE N’IGIHE: 19 MUTARAMA 2023
U BURUSIYA

AMAKURU MASHYA—UMUVANDIMWE YAHAMIJWE ICYAHA | “Azamfasha kwihanganira ibi bigeragezo byose”

FUNGURA

Ku itariki ya 17 Mutarama 2023, Urukiko rw’akarere ka Avtozavodskiy ruherereye mu gace ka Nizhny Novgorod rwahamije icyaha umuvandimwe wacu Gevorg Gevorkyan kandi rumukatira igifungo gisubitse cy’imyaka itandatu. Ntibizaba ngombwa ko ajyanwa muri gereza.

Uko ibintu byagiye bikurikirana

Ku itariki ya 17 Nyakanga 2019

Abapolisi baje gusaka inzu yabo kandi bafatira ibikoresho byabo bya elegitoronike
Ku itariki ya 18 Nyakanga 2019

Yafashwe ari mu kazi nuko bamujyana kumuhata ibibazo. Yahamaze amasaha icumi
Ku itariki ya 26 Kanama 2021

Yabujijwe kurenga agace atuyemo
Ku itariki ya 24 Ugushyingo 2021

Yashinjwe ibyaha azira kuyobora amateraniro y’Abahamya ba Yehova
Ku itariki ya 26 Mutarama 2022

Urubanza rwasubijwe mu bushinjacyaha

Icyo twamuvugaho

Gevorg Gevorkyan

Igihe yavukiye: 1971 (Tvarcheli, Repubulika ya Abkhazia)

Ibimuranga: Umuryango we wimukiye muri Tbilisi ho muri Jeworujiya afite imyaka 15. Baje no kwimukira mu Burusiya bitewe n’intambara. Yakoze mu ruganda atwara imashini

Igitabo Life–How Did It Get Here? By Evolution or by Creation? cyatumye atangira gushaka ibisubizo by’ibibazo yibazaga ku nkomoko y’ubuzima. Yatangiye kwiga Bibiliya maze abatizwa mu mwaka wa 1996. Muri uwo mwaka ni bwo yashakanye na Yana

Ibyo yavuze

Wowe n’umuryango wawe ni iki cyabafashije gukomeza kugira ibyishimo?

Njye n’umugore wanjye twageragezaga gukomeza kurangwa n’icyizere. Icyakora hari igihe rimwe na rimwe twagiraga gutya tukumva umwe muri twe yacitse intege. Iyo byabaga buri wese yafashaga undi kandi akamwizeza ko amukunda.

Ni mu buhe buryo Yehova yagiye akugaragariza urukundo?

By’umwihariko nshimishwa n’ukuntu yakoresheje abandi bavandimwe bari bari gukorwaho iperereza kugira ngo anyiteho kandi amfashe. Hari n’abavandimwe ntari nzi bazanye nabo duteranira hamwe baje kumva urubanza rwanjye. Kuba baransekeraga bakambwira n’amagambo yo kunkomeza byanteye inkunga. Ni nk’aho Yehova yabakoresheje kugira ngo anyizeze ko azamfasha kwihanganira ibyo bigeragezo.

Nk’uko urugero rwa Gevorg rubigaragaza, kwibuka ko ‘imibabaro nk’iyo igera ku muryango wose w’abavandimwe bacu,’ bishobora kudufasha gukomeza kurwanya Satani no gukomeza ‘gushikama dufite ukwizera gukomeye.’—1 Petero 5:9.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU