10 KANAMA 2022
U BURUSIYA

AMAKURU MASHYA—UMUVANDIMWE YAHAMIJWE ICYAHA | Gushimira byafashije Viktor Shayapov kwihangana afite ibyishimo

FUNGURA

Ku itariki ya 7 Ugushyingo 2022, urukiko rw’akarere ka Nikolskiy rwo mu gace ka Penza rwahamije icyaha umuvandimwe Viktor Shayapov kandi rumukatira igifungo gisubitse cy’imyaka ibiri n’igice. Ntibizaba ngombwa ko ajyanwa muri gereza.

Uko ibintu byakurikiranye

Ku tariki ya 19 Kanama 2021

Urubanza rwaratangiye. Yashinjwe ko yifatanyije mu bikorwa by’ubutagondwa
Ku itariki ya 5 Gashyantare 2022

Icyo gihe yafashwe n’abapolisi. Urugo rwaratewe kandi bararusaka. Yarafunzwe bamujyana mu mugi wa Penza uri ku birometero 740
Ku itariki ya 6 Gashyantare 2022

Yajyanywe gufungirwa muri gereza y’agateganyo
Ku itariki ya 8 Gashyantare 2022

Yavanywe muri gereza y’agateganyo afungirwa mu rugo
Ku itariki ya 28 Werurwe 2022

Urubanza rwaratangiye

Icyo twamuvugaho

Viktor Shayapov

Igihe yavukiye: 1989 (Kamenka, mu mugi wa Moscow)

Ibimuranga: Yakoraga akazi k’ubukanishi bw’imodoka. Yakoze imirimo isimbura iya gisirikare. Icyo gihe yakoraga ku iposita.

Yashakanye na Yekaterina mu mwaka wa 2010

Igihe yamenyanaga na Yekaterina yari yaratangiye kwigana Bibiliya n’Abahamya ba Yehova. Ibisubizo bihuje n’ubwenge yabonye ku bijyanye n’impamvu abantu bababara byatumye yiga Bibiliya. Bombi babatijwe mu mwaka wa 2008

Ibyo yavuze

Ni iki cyagufashije gukomeza kurangwa n’icyizere muri ibyo bihe bigoye?

Niboneye ukuboko kwa Yehova no mu tuntu tworoheje, urugero nko kubona ibyokurya byiza, inyoni, ikirere cyiza n’akayaga keza. Ibyo byatumye nshimira Yehova ukuntu yatugaragarije ineza. Iyo mbigenje gutyo, nibanda ku bintu byiza kandi buri gihe nkibuka ko Yehova ankunda.

Nanone urugero rw’umuvandimwe wahuye n’ibigeragezo nk’ibyanjye n’inama yangiriye byamfashije kwitwara neza. Yanyibukije ko ngomba kwirinda gukomeza gutekereza ko narenganye. Iyo tugize ubwoba abanzi bacu babiheraho bakadutwara uko bashaka.

Nanone nakunze amagambo avugwa mu Bafilipi 1:29, agira ati: “Kuko mwatoneshejwe ku bwa Kristo, atari ukugira ngo mumwizere gusa, ahubwo ari no kugira ngo mubabazwe ku bwe.” Ayo magambo yamfashije kwihangana kandi anyibutsa ko ari umugisha kubona akanya nk’aka ko kuvuganira Yehova.

Dushimishwa no kumenya ko amahoro y’Imana asumba cyane ibitekerezo byose, azarinda imitima yacu muri ibi bihe bitoroshye.—Abafilipi 4:7.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU