25 MATA 2023 | YAHUJWE N’IGIHE KU ITARIKI YA 23 UKWAKIRA 2023
U BURUSIYA

AMAKURU MASHYA—UMUVANDIMWE YAHAMIJWE ICYAHA | “Ibyishimo bimfasha gukomeza gukorera Yehova”

FUNGURA

Ku itariki ya 23 Ukwakira 2023, urukiko rw’akarere ka Zavodskiy mu ntara ya Kemerovo, rwahamije icyaha umuvandimwe Vladimir Baykalov kandi rumukatira igifungo gisubitse cy’imyaka itandatu. Ntibizaba ngombwa ko ajyanwa muri gereza.

Icyo twamuvugaho

Vladimir Baykalov

Igihe yavukiye: 1963 (Krapivinskiy, mu ntara ya Kemerovo)

Ibimuranga: Mbere y’uko aba Umuhamya wa Yehova, yari umukinnyi w’iteramakofe wabigize umwuga. Nyuma yaho yatangiye kuba umutoza mu mikino ngororamubiri kandi yari n’umuyobozi wa sitade

Yashakanye na Irina mu mwaka wa 1984. Bafite abana babiri umuhungu n’umukobwa

Irina yatangiye kwigana Bibiliya n’Abahamya ba Yehova mu mwaka wa 1995 kandi yabatijwe mu mwaka wa 1996. Vladimir yiboneye ko gukurikiza amahame yo muri Bibiliya byagiriye akamaro umuryango we. Amaze kuvunika bigatuma ahagarika ibyo yakoraga mu mikino ngororamubiri, Vladimir yongeye gutekereza ku buzima bwe maze atangira kwiga Bibiliya. Yabatijwe mu mwaka wa 1999

Ibyo yavuze

Ni uwuhe muco ugufasha kwihangana?

Ibyishimo ni byo bimfasha cyane, kuko bituma nkomeza gukorera Yehova kandi bigatuma ntatakaza icyizere. Ubwo rero nkora uko nshoboye kose ngahugira mu murimo wa Yehova kuko bituma ngira ibyishimo. Nanone kandi, ntekereza ku bintu byiza Yehova adusezeranya mu gihe kizaza. Kubigenza ntyo bituma nkomeza kurangwa n’ibyishimo ndetse no mu rukiko.

Ni uwuhe murongo wo muri Bibiliya uguhumuriza?

Muri Mariko 13:11, Yesu yasobanuye neza ibyo tugomba gukora mu gihe batujyanye imbere y’urukiko, yaravuze ati: “Ntimuzahangayike mwibaza mbere y’igihe ibyo muzavuga, ahubwo icyo muzahabwa muri uwo mwanya azabe ari cyo muvuga, kuko atari mwe muzaba muvuga, ahubwo ari umwuka wera.” Nitaba urukiko bwa mbere, umucamanza yampaye umwanya wo kwiregura. Numvise ngize ubwoba cyane. Ariko Yehova yaramfashije akoresheje umwuka we wera. Numvise ko Yehova yasubije amasengesho maze ampa ubutwari no gukomera ku mwanzuro nafashe.

Twizeye tudashidikanya ko Yehova azakomeza guha imbaraga abagaragu be bose b’indahemuka maze bagakomeza kwihanganira ibitotezo bafite ibyishimo.—Yakobo 1:2, 3.

Uko ibintu byagiye bikurikirana

Ku itariki ya 2 Gashyantare 2022

Yakorewe dosiye
Ku itariki ya 3 Gashyantare 2022

Basatse urugo rwe
Ku itariki ya 26 Ukwakira 2022

Yashinjwe ibyaha maze amenyeshwa ko atemerewe kurenga agace atuyemo
Ku itariki ya 30 Ugushyingo 2022

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU