Ku itariki ya 15 Nzeri 2023, urukiko rw’umujyi wa Kovrovskiy mu ntara ya Vladimir rwahamije icyaha umuvandimwe Aleksey Kupriyanov kandi rumukatira igifungo cy’umwaka umwe. Icyakora, kubera ko yamaze igihe afunzwe by’agateganyo kandi anafungishijwe ijisho, igihano cye bagifashe nk’aho yakirangije. Ntibizaba ngombwa ko ajyanwa muri gereza.

Natwe twiyemeje gukoresha neza ibyo Yehova atwigisha, kugira ngo bizadufashe ‘twambare intwaro zuzuye’ kugira ngo ‘dushobore kurwanya amayeri ya Satani dushikamye.’—Abefeso 6:11.

1. Ku itariki ya 17 Gashyantare 2021

   Abapolisi basatse ingo 7 z’Abahamya ba Yehova harimo n’urwa Kupriyanov. Abavandimwe na bashiki bacu 23 bajyanwe guhatwa ibibazo

2. Ku itariki ya 28 Kamena 2021

   Yakorewe idosiye. Ashinjwa kwifatanya n’umuryango ushinjwa ibikorwa by’ubutagondwa, azira gusa ko yagiye mu materaniro

3. Ku itariki ya 8 Nyakanga 2021

   Basatse urugo rwe ku nshuro ya kabiri. Yahaswe ibibazo hanyuma afungwa by’agateganyo

4. Ku itariki ya 9 Nyakanga 2021

   Yoherejwe mu kigo yafungiwemo by’agateganyo

5. Ku itariki ya 19 Ugushyingo 2021

   Yararekuwe maze afungishwa ijisho

6. Ku itariki ya 21 Kamena 2022

   Baretse kumufungisha ijisho ariko bamumenyesha ko atemerewe kurenga agace atuyemo

7. Ku itariki ya 4 Ukwakira 2022

   Ni bwo urubanza rwatangiye