26 UKWAKIRA 2022 | YAHUJWE N’IGIHE KU ITARIKI YA 22 UGUSHYINGO 2022
U BURUSIYA

AMAKURU MASHYA—UMUVANDIMWE YAHAMIJWE ICYAHA | “Ndi kumwe na Yehova nshobora kwihanganira ibintu byose”

FUNGURA

Ku itariki ya 21 Ugushyingo 2022, urukiko rw’umujyi wa Asha ruherereye mu gace ka Chelyabinsk rwahamije icyaha umuvandimwe Andrey Perminov kandi rumukatira igifungo gisubitse cy’imyaka itandatu. Ntibizaba ngombwa ko ajyanwa muri gereza.

Uko ibintu byagiye bikurikirana

Ku itariki ya 11 Kamena 2021

Hasatswe amazu y’imiryango itanu y’Abahamya ba Yehova bo mu mijyi ya Asha na Minyar, harimo n’inzu ya Andrey. Abayobozi bafatiriye ibintu bitandukanye
Ku itariki ya 10 Ugushyingo 2021

Yamenyeshejwe ko atemerewe kurenga agace atuyemo
Ku itariki ya 27 Mata 2022

Yashinjwe kuba mu muryango ukora ibikorwa by’ubutagondwa kandi bamushyize ku rutonde rw’abantu bakora ibikorwa by’iterabwoba
Ku itariki ya 6 Kamena 2022

Ni bwo urubanza rwatangiye

cyo twamuvugaho

Andrey Perminov

Igihe yavukiye: 1972 (Asha)

Ibimuranga: Akiri umwana yakundaga gukora cyane, ariko nyuma yaho uburwayi bwatumye agendera mu igare ry’abamugaye. Amaze kurangiza amashuri yakoze mu kigo cy’abafite ubumuga ari umucungamari. Ubu akora ibijyanye no gukora za porogaramu za mudasobwa n’imbuga za interineti

Kuva akiri muto, yibazaga byinshi ku bijyanye n’intego y’ubuzima. Yatangiye kwigana Bibiliya n’Abahamya ba Yehova mu mwaka wa 1995. Yabatijwe mu mwaka wa 1999. Yashakanye na Natalya mu mwaka wa 2015

Ibyo yavuze

Ni uruhe rugero rwo muri Bibiliya rwagufashije?

Vuba aha, umushinjacyaha yarampamagaye amenyesha ko nshobora gukurikiranwa mu butabera. Maze kubyumva byanteye ubwoba ku buryo nahangayitse cyane. Ariko uwo munsi njye n’umugore wanjye twasomye inkuru ya Dawidi igihe Abamaleki bateraga umujyi wa Sikulagi bakigarurira ibintu byose bagatwara iminyago n’abantu bose. Icyo gihe Dawidi ‘yatangiye kurira kugeza aho atari agifite imbaraga zo kurira.’ Nubwo yari ahangayitse cyane, . . . Dawidi yarihanganye abifashijwemo na Yehova Imana ye” (1 Samweli 30:4, 6). Urugero rwa Dawidi rwamfashije kwibuka ko ndi kumwe na Yehova, nshobora kwihanganira ibintu byose. Nubwo dushobora kugira ibyo dutakaza, byaba amahoro yacu yo mu mutima cyangwa uko abantu batubona, Papa wacu Yehova azadufasha.

Kimwe na Andrey, dushobora kugira ubutwari bitewe nuko Yehova yagiye ashyigikira abagaragu be b’indahemuka mu bihe byahise. Twizeye tudashidikanya ibyo Imana yasezeranyije. Yaravuze iti: “Nzagira icyo nkora kugira ngo nkomeze kubaheka no kubaterura no kubakiza.”—Yesaya 46:4.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU