22 WERURWE 2023 | YAHUJWE N’IGIHE: 28 MATA 2023
U BURUSIYA

AMAKURU MASHYA—UMUVANDIMWE YAHAMIJWE ICYAHA | “Niyemeje gukora ikintu icyo ari cyo cyose Yehova ansabye”

FUNGURA

Ku itariki ya 28 Mata 2023, urukiko rw’umujyi wa Asha ruri mu ntara ya Chelyabinsk, rwahamije icyaha umuvandimwe Vadim Fedorov kandi rumukatira igifungo gisubitse cy’imyaka itandatu. Ntibizaba ngombwa ko ajyanwa muri gereza.

Icyo twamuvugaho

Vadim Fedorov

Igihe yavukiye: 1968 (Rudny muri Kazakisitani)

Ibimuranga: Akora akazi ko gutwara ibicuruzwa

Yashakanye na Lyubov mu mwaka wa 1991. Bafite abana batanu

Yashimishijwe n’isezerano ryo muri Bibiliya ry’ubuzima bw’iteka. We n’umugore we babatijwe mu mwaka wa 1993

Ibyo yavuze

Ni mu buhe buryo urugero rw’abandi bantu bahuye n’ibitotezo rwagukomeje?

Nagiye mbona uburyo bwo kuganira n’abavandimwe na bashiki bacu benshi batotejwe bazira ukwizera kwabo. Igihe naganiraga n’umuvandimwe Nikolay Kuzichkin yanteye inkunga mu buryo bwihariye. Igihe yari muri gereza yarwaye indwara ikomeye. Kandi nubwo yari ageze mu zabukuru anafite ubumuga, nakozwe ku mutima n’uburyo avuga kandi akaba azi inkuru nyinshi zo muri Bibiliya. Birumvikana ko biterwa n’uburyo akunda cyane Ijambo ry’Imana kandi akaba afitanye ubucuti bukomeye na Yehova. Ibyo twaganiriye byanyibukije ko izabukuru, uburwayi cyangwa ubundi bumuga bidakwiriye kutubera inzitizi zo kuba incuti za Yehova. Igihe naganiraga na we, byanyibukije ko imbaraga zirenze izisanzwe zituruka kuri Yehova wenyine.

Ibigeragezo wahuye na byo byatumye wiga iyihe mico?

Ubusanzwe ndi umuntu ukunda guhubuka mu byo nkora. Ubwo rero hari igihe nkora ibintu ngendeye ku marangamutima cyangwa kuko niyumva. Ibigeragezo nahuye na byo byatumye niga umuco wo kwihangana, by’umwihariko iyo ntegereje ko Yehova amfasha. Niyemeje gukora ikintu icyo ari cyo cyose Yehova ansabye.

Kimwe na Vadim, twizeye ko Yehova azakomeza guha imigisha n’imbaraga “abaguma mu nzira ye.”—Zaburi 37:34.

Uko ibintu byagiye bikurikirana

Ku itariki 11 Kamena 2021

Abashinzwe umutekano bagabye igitero mu rugo rwa Vadim n’urw’umuhungu we Andrey
Ku itariki 29 Mata 2022

Vadim yashinjwe gukora ibyaha
Ku itariki 1 Ukuboza 2022

Ni bwo urubanza rwe rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU