8 UGUSHYINGO 2022 | YAHUJWE N’IGIHE KU ITARIKI YA 22 MUTARAMA 2024
U BURUSIYA

AMAKURU MASHYA—UMUVANDIMWE YARAFUNZWE | Isengesho no gusoma Bibiliya byatumye yihangana

FUNGURA

Ku itariki ya 17 Mutarama 2024 urukiko rw’umujyi wa Maykop muri Repubulika ya Adygeya rwahamije icyaha umuvandimwe Nikolay Saparov kandi rumukatira imyaka igifungo cy’imyaka itandatu. Kuva muri Werurwe 2022 yari afunzwe by’agateganyo azaguma muri gereza.

Uko ibintu byagiye bikurikirana

Ku itariki ya 22 Werurwe 2022

Ni bwo yatangiye gukurikiranwa mu nkiko
Ku itariki ya 23 Werurwe 2022

Nikolay yafashwe igihe yari ari ku kibuga cy’indege we n’umugore we n’umukobwa wabo. Bamaze kumuhata ibibazo, abayobozi bamushinje ko ategura ibikorwa by’umuryango ushinjwa ubutagondwa. Yahise yoherezwa muri kasho. Nyuma yaho bagiye gusaka urugo rwe
Ku itariki ya 24 Werurwe 2022

Nikolay yajyanywe mu kigo yafungiwemo by’agateganyo
Ku itariki ya 19 Gicurasi 2022

Ni bwo urubanza rwe rwatangiye

Icyo twamuvugaho

Nikolay Saparov

Igihe yavukiye: 1981 (Saint Petersburg, mu gace ka Leningrad)

Ibimuranga: Yari umuyobozi muri kampani y’ubucuruzi

Yabatijwe mu mwaka wa 1997. Yashakanye Nataliya mwaka wa 2004. Bafite umwana umwe w’umukobwa

Ibyo umugore wa Nikolay witwa Nataliya a yavuze

Ni iki cyafashije Nikolay kwihanganira gufungwa?

Amezi arenga atatu, Nikolay yasomye Bibiliya yose inshuro ebyiri, kandi yari atuje ndetse afite icyizere. Yasengaga kenshi kandi yavuze ko yarushijeho kuba incuti ya Yehova. Nubwo amabaruwa twandikaga atageraga kuri Nikolay, ariko twe twabonaga ayo yatwandikiye. Yatubwiraga ko adukunda kandi yatwitagaho cyane. Yatwandikiraga atubwira ibintu yabaga yasomye n’ukuntu Yehova amufasha.

None se wowe ni iki cyagufashije kwihangana?

Igihe cyose amaze afunzwe twemerewe kumusura inshuro imwe gusa. Ntibitworoheye kuba tutari kumwe. Buri gitondo mbyuka mfite agahinda, kubera ko mba nzi ko ngiye kumara undi munsi jyenyine ntari kumwe n’umugabo wanjye nkunda. Ubwo rero, ikintu cya mbere nkora ndasenga kugeza igihe numva merewe neza. Nanone mara nibura isaha imwe nsoma Bibiliya. Isengesho no gusoma Bibiliya bituma numva ko Yehova andi hafi.

Urugero rw’umuryango wa Saparov rutwibutsa ko buri gihe Yehova abagaragu be b’indahemuka iyo ‘bamutabaje.’—Zaburi 119:147.

a Igihe twateguraga iyi nkuru, ntitwabashije kuvugisha umuvandimwe Nikolay kuko yari agifunzwe by’agateganyo.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU