3 GICURASI 2023 | YAHUJWE N’IGIHE KU ITARIKI YA 13 UKUBOZA 2023
U BURUSIYA

AMAKURU MASHYA—UMUVANDIMWE YARAFUNZWE | “Yehova yakomeje kunyitaho”

FUNGURA

Ku itariki ya 7 Ukuboza 2023, urukiko rw’akarere ka Kirovskiy muri Kazan rwahamije icyaha umuvandimwe Aleksey Gerasimov kandi rumukatira igifungo cy’imyaka itandatu. Yahise ajyanwa muri gereza agisohoka mu rukiko.

Icyo twamuvugaho

Aleksey Gerasimov

Yavutse: 1980 (Ust-Kut mu ntara ya Irkutsk)

Ibimuranga: Atwara imodoka

Yashakanye na Nataliya mu mwaka wa 2006

Yabonye uburyo Abahamya ba Yehova bakundana bituma yemera ko ari bo Bakristo b’ukuri. Aleksey na Nataliya bombi babatijwe mu mwaka wa 2007

Ibyo yavuze

Ni iyihe mirongo yo muri Bibiliya yagufashije cyane muri ibi bihe bitari byoroshye?

Bamaze kudusaka numvaga nacitse intege. Nanone mbere y’uko nitaba urukiko bwa mbere, numvaga mpangayitse cyane. Ariko numvise nongeye kugira imbaraga igihe umuvandimwe yanyibutsaga imirongo yo muri Yesaya 49:15,16, aho Yehova avuga ati: “Mbese umugore yakwibagirwa umwana yonsa, ntagirire impuhwe umwana yibyariye? We ashobora kumwibagirwa; ariko jye sinzigera nkwibagirwa! Dore nakwanditse mu biganza byanjye nk’uca imanzi.” Iyo mirongo yanyijeje ko Yehova azakomeza kunyitaho aho nzaba ndi hose n’ibyambaho byose kandi ko atazigera antererana. Ibyambayeho byatumye ndushaho kwibonera uburyo Yehova ari ubuhungiro bwanjye.

Tuzi neza ko Yehova atazigera atererana abagaragu be b’indahemuka. Ni uwo kwizerwa kandi adufasha kwihanganira ibigeragezo.—1 Abakorinto 10:13.

Uko ibintu byagiye bikurikirana

Ku itariki ya 1 Gashyantare 2022

Ni bwo dosiye ye yatangiye
Ku itariki ya 18 Werurwe 2022

Ni bwo urugo rwe barusatse
Ku itariki ya 23 Nzeri 2022

Bamubujije kuva mu gace atuyemo
Ku itariki ya 22 Gashyantare 2023

Ni bwo urubanza rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU