24 UGUSHYINGO 20222022 | YAHUJWE N’IGIHE: KU ITARIKI YA 21 KANAMA 2023
U BURUSIYA

AMAKURU MASHYA—UMUVANDIMWE YARAFUNZWE | Yiyemeje gukomeza kurangwa n’ishyaka nubwo atotezwa

FUNGURA

Ku itariki ya 18 Kamena 2023, urukiko rw’intara ya Altai rwahinduye igihano rwari rwarafatiye umuvandimwe Pavel Kazadaev. Yari yarakatiwe igifungo gisubitse cy’imyaka itatu none baragihinduye, azamara imyaka itatu afungiwe muri gereza. Akiva mu rukiko yahise ajyanwa muri gereza.

Ku itariki ya 29 Gicurasi 2023, urukiko rw’akarere ka Barnaul, ruherereye mu ntara ya Altai, rwahamije icyaha umuvandimwe Pavel Kazadaev kandi rutegeka ko akatirwa igifungo gisubitse cy’imyaka itatu. Ntibizaba ngombwa ko ajyanwa muri gereza. Urukiko rw’akarere ka Barnaul, mu gace ka Altai, vuba aha ruzatangaza umwanzuro wa rwo mu rubanza ruregwamo umuvandimwe Pavel Kazadaev. Ubushinjacyaha nta gihano buramusabira.

Icyo twamuvugaho

Pavel Kazadaev

Igihe yavukiye: 1996 (Ust-Ilimsk, mu gace ka Irkutsk)

Ibimuranga: Akora mu bijyanye n’ibikoresho by’umutekano no gushyira impuruza z’umuriro mu mazu hamwe no kuzisana

Yabatijwe mu mwaka wa 2010. Igihe yahamagarwaga mu gisirikare, yakoreye imirimo ya gisivili isimbura iya gisirikare ku iposita

Yashakanye na Darya mu mwaka wa 2020

Ibyo yavuze

Ni gute ibitotezo byatumye utagera ku ntego wishyiriyeho?

Njye n’umugore wanjye twari twarishyiriyeho intego yo kuziga ishuri ry’Ababwiriza b’Ubwami. Ariko, ubu ntidushobora kubigeraho kubera ko mfunzwe, kandi nkaba nkurikiranwa mu nkiko. Icyakora, hari umuvandimwe wadufashije kubona imimerere turimo mu buryo butandukanye. Yatubwiye ko aho kugira ngo tubone ko ari inzitizi ituma tutagera ku ntego zacu, ahubwo dukwiye kubona ko ari inshingano nshya Yehova yaduhaye. Twiyemeje gukomeza guhugira mu murimo kandi tugakora ibintu byose bishobora gufasha abandi.

Kubona uko abagaragu ba Yehova bakomeje kugira ishyaka nubwo batotezwa, bikomeza ukwizera kwacu.—Matayo 5:11.

Uko ibintu byagiye bikurikirana

Ku itariki ya 11 Gicurasi 2021

Ni bwo yatangiye gukurikiranwa mu nkiko
Ku itariki ya 27 Gicurasi 2021

Abapolisi bagabye igitero bise “Harimagedoni,” ku rugo rwa Pavel ruri mu gace ka Novokuznetsk no mu ngo za bene wabo batuye mu tundi duce. Pavel n’umugore we bajyanywe guhatwa ibibazo mu mugi wa Barnaul, uri ku birometero 350 km uvuye iwabo. Yakurikiranywe mu nkiko ashinjwa gukora ibikorwa by’umuryango ushinjwa ubutagondwa kandi afungwa by’agateganyo
Ku itariki ya 28 Gicurasi 2021

Yavuye muri gereza aho yari afungiwe by’agateganyo, maze amenyeshwa ko atemerewe kuva mu gace atuyemo
Ku itariki ya 12 Kanama 2022

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU