7 KAMENA 2022 | YAHUJWE N’IGIHE KU ITARIKI YA 21 UGUSHYINGO 2023
U BURUSIYA

AMAKURU MASHYA—UMWANZURO WO KUGIRWA UMWERE WATESHEJWE AGACIRO | Twiboneye urukundo rwa Yehova

FUNGURA

Ku itariki ya 20 Ugushyingo 2023, urukiko rwo mu gace kigenga ka Khanty-Mansi nanone kitwa Yugra, rwatesheje agaciro umwanzuro wo kugira umwere umuvandimwe Andrey Zhukov. Urubanza rwe ruzasubirwamo.

Ku itariki ya 7 Kanama 2023 Urukiko rw’akarere ka Yugorskiy rwo mu gace ka Yugra rwagize umwere umuvandimwe Andrey Zhukov. Urukiko rwasanze ibyaha bamurega bitamuhama.

Uko ibintu byakurikiranye

Ku itariki ya 17 Kanama 2020

Umuvandimwe Andrey baramureze bamushinja ko ayobora amateraniro y’agatsiko k’intagondwa mu ibanga
Ku itariki ya 19 Kanama 2020

Abayobozi bateye amazu umunani y’Abahamya ba Yehova harimo n’iya Andrey. Yafungiwe mu kigo cy’agateganyo
Ku itariki ya 20 Kanama 2020

Yarafunguwe by’agateganyo
Ku itariki ya 14 Mutarama 2021

Yashyizwe ku rutonde rw’abantu b’intagondwa kandi konti ye yo muri banki irafatirwa ku buryo atari yemerewe kubikuza
Ku itariki ya 4 Kanama 2021

Nanone abayobozi bamushinje ibindi byaha urugero nko gusenga Yehova, kujya mu materaniro y’idini no kwiga ibintu bijyanye n’idini.” Nanone kandi bakundaga kumuhata ibibazo
Ku itariki ya 15 Ukwakira 2021

Yasabye ko bamuhaganaguraho ibyaha aregwa ariko baranga.
Ku itariki ya 29 Ukuboza 2021

Urubanza rwarakomeje

Icyo twamuvugaho

Andrey Zhukov

Igihe yavukiye: 1972 (Chelyabinsk, mu gace ka Chelyabinsk)

Ibyamuranze: Yakoze akazi ko gukanika indege. Akunda kubaka ibyari by’inyoni no gushaka ibihumyo

Yamenye iby’Abahamya ba Yehova mu mwaka wa 1998 abibwiwe n’umukozi bakoranaga. Yashimishijwe n’ukuntu Bibiliya ivuga ibintu bihuje n’ukuri mu buryo bwumvikana kandi bwiza. Yabatijwe mu mwaka wa 2002. Yashakanye na Svetlana mu mwaka wa 2006. Bafitanye umwana umwe w’umuhungu

Ibyo yivugiye

Ni iki cyagutangaje mu bintu abavandimwe bagukoreye?

Inshuti zacu nyinshi harimo umugenzuzi w’akarere n’umugore we babaga bahari iyo najyaga kuburana cyangwa gusomerwa. . . . Ibyo byose barabikoraga nubwo batari bemerewe kwinjira mu rukiko imbere kuko hari mu gihe k’icyorezo. Ubwo rero byabasabaga kumara amasaha menshi bategerereje hanze.

Ni gute ibyakubayeho byatumye urushaho kwiringira Yehova?

Nabonye ko iyo uri mu bihe bigoye Yehova aguha amahoro yo mu mutima n’ubushobozi bwo gutekereza kugira ngo ufate imyanzuro myiza. Narushijeho kwizera ko azamfasha mu bihe bigoye.

Kuba Yehova yarafashije umuvandimwe Andrey n’abandi bavandimwe na bashiki bacu kwihangana mu gihe abantu babarwanya ni ‘ikimenyetso kigaragaza ineza’ kandi byerekana ko Imana ‘idufasha kandi ikaduhumuriza’—Zaburi 86:17.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU