4 WERURWE 2022
U BURUSIYA

AMAKURU MASHYA—URUKIKO RWANZE UBUJURIRE | Mushiki wacu witwa Lyudmila Shchekoldina yatewe inkunga n’amagambo yabwiwe n’inshuti ze

FUNGURA

Ku itariki ya 6 Ukwakira 2022, urukiko rwo mu gace ka Krasnodar rwanze ubujurire bwa mushiki wacu Lyudmila Shchekoldina. Aracyari muri gereza.

Ku itariki ya 23 Gicurasi 2022, urukiko rw’akarere ka Pavlovskiy ruri mu gace ka Krasnodar rwahamije icyaha Lyudmila kandi rumukatira igifungo cy’imyaka ine n’ukwezi kumwe. Igihano cye kigomba guhita gitangira.

Uko ibintu byagiye bikurikirana

Ku itariki ya 23 Mata 2020

Abayobozi batangiye gukora iperereza ku byaha bashinjaga mushiki wacu nyuma yaho aganiriye n’umuntu wari wigize nk’aho ashimishijwe na Bibiliya
Ku itariki ya 29 Mata 2020

Abayobozi bamaze amasaha ikenda basaka inzu ya Lyudmila nyuma yaho bamuhata ibibazo. Bamushinje gushyigikira ibikorwa by’umuryango ushinjwa ibikorwa by’ubutagondwa
Ku itariki ya 21 Kamena 2021

Nibwo urubanza rwatangiye

Icyo twamuvugaho

Lyudmila Shchekoldina

Igihe yavukiye: 1976 (Aleksandrovka, mu ntara ya Krasnodar)

Ibimuranga: Akiri muto yize gucuranga piyano. Kandi yabaye umwarimu

Yibazaga niba ubuzima bufite intego n’impamvu hariho akarengane. Abahamya ba Yehova batangiye kumwigisha Bibiliya kandi yabonye ibisubizo bimunyuze by’ibibazo yibazaga. Yabatijwe mu mwaka 1995

Ibyo yavuze

Ni izihe nkunga abandi baguteye?

Hari bashiki bacu baherutse kunkorera aka videwo. Umwe muri bo yagize ati: “Iyo nkutekerejeho, ikintu gihita kinza mu bwenge ni urugero rw’agakobwa k’Akisirayeli. Kubera iki? Ni ukubera ko kagaragaraga . . . nka gafite intege nke, ariko ibyo kakoze, kabikoze nk’umusirikare utagira ubwoba. Kuri nge umbera urugero rwiza rwo kugira ubutwari nk’ako gakobwa.”

Umugenzuzi usura amatorero yanyoherereje ibaruwa yarimo imirongo y’Ibyanditswe nagombaga gutekerezaho. Umwe muri yo wari Zaburi ya 68:28. Yanyerekejeho uwo murongo maze arandika ati: “Ubu uri kunyura mu bihe bigoye. Icyakora, nizeye ntashidikanya ko urukundo ukunda Yehova no kuba umubera indahemuka bizagufasha gukomeza kugira imbaraga. . . . Yehova aterwa ishema n’abagaragu be b’indahemuka.”

Ibyo bitekerezo biteye inkunga nabyanditse mu gakayi kanjye kugira ngo njye mbisoma inshuro nyinshi.

Twizeye tudashidikanya ko Yehova azakomeza gufasha Lyudmila n’abandi bavandimwe na bashiki bacu bahanganye n’ibigeragezo bagakomeza kugira imbaraga.—Zaburi 68:28.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU