18 UGUSHYINGO 2021
U BURUSIYA

AMAKURU MASHYA | Umuhamya witwa Andrey Ledyaykin akomeje gushikama kubera ubucuti afitanye na Yehova n’Abahamya bagenzi be

FUNGURA

Ku itariki ya 26 Mata 2022, urukiko rw’umugi wa Severskiy mu ntara ya Tomsk rwahamije icyaha umuvandimwe Andrey Ledyaykin kandi rumukatira igifungo cy’imyaka ibiri n’amezi abiri. Yahise ajyanwa muri kasho.

Uko ibintu byagiye bikurikirana

Ku itariki ya 12 Nyakanga 2021

Ni bwo urubanza rwa Andrey rwatangiye
Ku itariki ya 30 Werurwe 2021

Andrey yashinjwe kwifatanya mu bikorwa by’ubutagondwa
Ku itariki ya 29 Werurwe 2021

Andrey yamenyeshejwe ko atemerewe kurenga agace atuyemo
Ku itariki ya 25 Werurwe 2021

Ni bwo Andrey yatangiye gukurikiranwaho ibyaha. Ibyo byatumye yirukanwa ku kazi
Ku itariki ya 14 Nyakanga 2020

Abaporisi bo mu rwego rushinzwe ubutasi hamwe n’abandi baporisi babiri bafashe Andrey bamusanze ku kazi. Nyuma yaho basatse inzu ye amasaha agera kuri 12
Werurwe kugeza muri Mata 2020

Hari umugore ukorana n’urwego rushinzwe ubutasi wigize nk’aho ashishikajwe no kwiga Bibiliya wafashe amashusho y’ibiganiro yagiranye na Andrey n’abandi bavandimwe na bashiki bacu

Icyo twamuvugaho

Andrey Ledyaykin

Igihe yavukiye: 1988 (Seversk, mu ntara ya Tomsk)

Ibimuranga: Akunda guserebeka no gukora siporo zo ku rubura, koga, no kugenda ahantu nyaburanga. Yakoze akazi k’ibarura mari

Amaze gupfusha sekuru, yibazaga ibibazo byinshi ku birebana n’urupfu, Imana n’ejo hazaza. Hari incuti ye yamutumiye mu materaniro, abyemera atabishaka. Ariko ahageze yashimishijwe n’urukundo bamwakiranye. Yabatijwe mu mwaka wa 2013. Kugeza ubu ni we Muhamya wenyine mu muryango we

Ibyo yavuze

Ni gute ubucuti ufitanye na Yehova bwatumye ushikama?

Yehova ntiyigeze antererana muri ibi bihe. . . Muri iki gihe cyose, niboneye ko yamfashije cyane kurusha mu yindi myaka yose namaze mukorera. Azi ko ntotezwa nzira izina rye kandi na we ntazigera atererana abamubera indahemuka. Yehova ni incuti nziza cyane umuntu wese yakwifuza kugira!

Ni gute ubucuti ufitanye n’Abahamya bagenzi bawe bwatumye ushikama?

Rimwe na rimwe njya mbura icyo mvuga, kandi nkabura n’amagambo nakoresha nshimira abavandimwe kubera urukundo bangaragariza. Ni ibisanzwe ko abantu tuvukana batwitaho. Ariko ku bavandimwe na bashiki bacu ho ni akarusho, kuko bishyira mu mwanya wacu maze bagafata ibibazo byacu nk’ibyabo.

Duterwa inkunga no kubona ko nubwo Andrey ahanganye n’ibibazo yakomeje kwitabwaho mu buryo bwihariye.—Zaburi 4:3.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU