1. Ku itariki ya 7 Ukwakira 2021, urukiko rwo mu gace ka Krasnodar Territory rwanze ubujurire bw’umuvandimwe Meleshko. Igihano yari yarakatiwe kizagumaho

2. Ku itariki ya 11 Kanama 2021

   Urukiko rw’akarere ka Abinskiy mu gace ka Krasnodar, rwahamije icyaha Vasiliy kandi mu minsi ibiri gusa rwahise rumukatira igifungo k’imyaka itatu. Yahise ajyanwa muri gereza akiva mu rukiko. Vasiliy ni Umuhamya wa kane uciriwe urubanza hutihuti kandi agahita ahamywa icyaha. a

3. Ku itariki ya 10 Kanama 2021

   Ni bwo urubanza rwa Vasiliy rwatangiye. Igihe umucamanza yagiraga icyo amubaza, Vasiliy yamusubije adaciye ku ruhande ko ari Umuhamya wa Yehova

4. Ku itariki ya 24 Kamena 2021

   Ibiganiro Vasiliy yagiranye n’umuvandimwe Aleksandr Ivshin byongewe ku rutonde rw’ibyo aregwa. Ubushinjacyaha bwavuze ko baganiraga ibijyanye n’idini ryabo n’“umurimo bakorera Yehova”

5. Ku itariki ya 12 Mata 2021

   Ni bwo Vasiliy yatangiye gukurikiranwaho ibyaha azira gutanga ibitabo, kumva ibyafashwe amajwi no kwifatanya mu biganiro bakoresheje ibitabo by’idini n’ibindi bikorwa

6. Ku itariki ya 7 Mata 2021

   Saa 6:30 za mu gitondo, abasirikare batatu bitwaje intwaro, abagenzacyaha bane n’abaporisi babiri basatse ku ngufu inzu ya Vasiliy na Zoya Meleshko. Nyuma yaho Vasiliy yatangiye gukorwaho iperereza. Abagenzacyaha bamufotoreye iwe banafotora inzu abavandimwe bateraniragamo. Ayo mafoto abagenzacyaha bayakoresheje bahamya ko Vasiliy yakoze ibyaha. Bategetse Vasiliy kutava mu gace atuyemo

Nubwo ibigeragezo abavandimwe na bashiki bacu bo mu Burusiya bakomeje guhura na byo ari inkuru mbi, twizeye ko Vasiliy n’umuryango we bazakomeza gushikama ntibahungabane kandi ‘bakiringira Yehova.’—Zaburi 112:7, 8.