7 MUTARAMA 2022
U BURUSIYA

AMAKURU MASHYA | Umuvandimwe Vladimir Chesnokov, Vladimir Dutkin, na Valeriy Yakovlev bajyanywe mu rukiko bazira ukwizera kwabo

FUNGURA

Urukiko rw’Ikirenga rwo muri Repuburika ya Chuvash rwanze ubujurire bw’umuvandimwe Vladimir Chesnokov, Vladimir Dutkin na Valeriy Yakovlev. Bagomba gutanga amande bari baciwe.

Ku itariki ya 10 Gashyantare 2022, urukiko rw’akarere ka Kalininskiy ruri muri Cheboksary rwahamije icyaha umuvandimwe Chesnokov, Dutkin na Yakovlev. Umuvandimwe Dutkin yuciwe amande y’amafaranga asaga 6.800.000 FRW naho umuvandimwe Chesnokov na Yakovlev bo bacibwa asaga 5.000.000 FRW. Ntibazafungwa.

Uko ibintu byagiye bikurikirana

Ku itariki ya 7 Kamena 2021

Vladimir Chesnokov na Valeriy Yakovlev bongewe muri uru rubanza
Ku itariki ya 30 Ukuboza 2020

Vladimir Dutkin yashinjwe ibyaha kandi abuzwa kurenga agace atuyemo
Ku itariki ya 25 Ugushyingo 2020

Abayobozi batangiye gukora iperereza ku muvandimwe Vladimir Dutkin, nyuma yaho baje gusaka urugo rwe kandi bamujyanye kumuhata ibibazo

Icyo twabavugaho

Vladimir Chesnokov

Igihe yavukiye: 1959 (Bakhmutovo, muri Repuburika ya Chuvash)

Ibimuranga: Yarangije mu ishuri rya gisirikare afite ipeti rya liyetona. We n’umugore we Nina, babyaye abahungu batatu

Igihe yari umusirikare yamenye isezerano ryo muri Bibiliya rivuga riti: “Inkota zabo bazazicuramo amasuka, amacumu yabo bayacuremo impabuzo” (Yesaya 2:4). Yavuye mu gisirikare abatizwa mu mwaka 1993

Ibyo yavuze

Ni iki abavandimwe na bashiki bacu bagufashije?

Abavandimwe na bashiki bacu baradufashije cyane. . . . Biyemeje kudushakira amafaranga twari dukeneye igihe tutari twemerewe gukura amafaranga kuri banki. Ibyo byakoze ku mutima umugore wange utari Umuhamya. Yatangiye kwibonera akamaro ko gukora ibihuje n’ibyo Bibiliya idusaba. Ubu yahinduye uko yabonaga Abahamya ba Yehova kandi ntakimbuza gukorera Yehova nk’uko yabikoraga mbere.

Vladimir Dutkin

Igihe yavukiye: 1963 (Novoaltaysk, mu gace ka Altai)

Ibimuranga: Yakuze akora siporo zitandukanye harimo gukina vole, umupira w’amaguru na hoke. Akora mu bijyanye n’ubwishingizi

Kwiga ibirebana n’ubuhanuzi bwo muri Bibiliya n’uko bwasohoye byatumye yemera ko Yehova ari Imana isohoza ibyo yavuze. Yabatijwe mu mwaka wa 2002

Ibyo yavuze

Ni iki cyagukomeje muri ibi bihe bitoroshye?

Bamaze gusaka inzu yange, nasenze Yehova musaba kugira ubwenge n’ibyishimo. Muri icyo gihe cyose, natekerezaga ukuntu imyifatire yange yatuma ntatukisha izina rya Yehova. . . Kubitekerezaho byatumaga nkomera.

Nanone, nkunda kubwira abandi imigisha ngenda mbona. Mbabwije ukuri, mbona bikomeza ukwizera kwabo. Biranshimisha iyo bamwe muri bo bambwiye ko bumva nta bwoba batewe n’ibitotezo bashingiye ku byambayeho.

Gusoma no gutekereza ku Ijambo ry’Imana bifasha abavandimwe na bashiki bacu guhangana n’ibibazo bahura na byo buri munsi kandi bibonera ko Yehova akomeje kubabera “ubwihisho mu gihe cy’amakuba.”—Zaburi 27:5.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU