27 UGUSHYINGO 2023 | YAHUJWE N’IGIHE KU ITARIKI YA: 24 NZERI 2024
U BURUSIYA

AMAKURU MASHYA—YACIWE AMANDE | “Yehova azakemura ibibazo mfite”

FUNGURA

Ku itariki ya 23 Nzeri 2024, urukiko rw’akarere ka Dzerzhinskiy rwo mu gace ka Yaroslavl, rwahamije icyaha umuvandimwe Anton Kokovin, maze rutegeka ko acibwa amande angana na miliyoni hafi 11 z’amafaranga y’u Rwanda.

Icyo twamuvugaho

Anton Kokovin

Igihe yavukiye: 1990 (Yaroslavl, mu gace ka Yaroslavl)

Icyo twamuvugaho: Ni injeniyeri mu by’itumanaho

Nyina yamwigishije amahame ya Bibiliya kuva akiri muto. Amaze kuba ingimbi yatangiye gutekereza cyane ku buzima. Mu mwaka wa 2009 yarabatijwe aba Umuhamya wa Yehova

Ibyo yavuze

Ni iki cyagufashije kugira ukwizera gukomeye?

Yesu yabwiye abigishwa be ko bari kuzatotezwa. Ubwo rero Yehova azi ibirimo kumbaho kandi azi n’icyo yakora ngo amfashe. Inama zituruka mu Ijambo rye no ku muryango we, buri gihe ziza mu gihe nzikeneye kugira ngo zimfashe gukomeza kuba indahemuka. Nanone nkunda gutekereza ku bivugwa muri Zaburi 30:11. Haravuga ngo: “Agahinda kanjye wagahinduye ibyishimo. Wanyambuye umwenda w’akababaro, unyambika umunezero.” Hari ibintu byinshi mpura na byo abantu batazi. Ariko nizeye ko ibivugwa muri uyu murongo bizaba. Nzi neza ko Yehova azakemura ibibazo byanjye mu buryo bwiza kurusha ubundi.

Natwe twiringiye ko Yehova azaha imigisha myinshi abantu bagaragaza ukwizera kandi bakihangana kugira ngo bashyigikire ubutegetsi bwe bw’ikirenga.—Abaheburayo 11:6.

Uko ibintu byagiye bikurikirana

Ku itariki ya 18 Gicurasi 2022

Batangiye kumushinja ibyaha
Ku itariki ya 19 Gicurasi 2022

Basatse inzu ye. Abashinzwe umutekano babahase ibibazo
Ku itariki ya 6 Kamena 2022

Bamuhamije icyaha cyo kwifatanya mu bikorwa by’ubutagondwa kandi bamubujije gukora ingendo
Ku itariki ya 29 Gicurasi 2023

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU