26 KANAMA 2022 | YAHUJWE N’IGIHE KU ITARIKI YA 8 WERURWE 2023
U BURUSIYA
AMAKURU MASHYA—YAHINDURIWE IGIFUNGO | Bakomeje kwihangana no kwiringira Yehova mu gihe cy’ibitotezo
Ku itariki ya 01 Werurwe 2023, urukiko rwo mu gace ka Stavropol rwatangaje umwanzuro warwo mu rubanza ruregwamo umuvandimwe Anatoliy Gezik, umugore we Irina n’umuvandimwe Viktor Zimovskiy. Igifungo Anatoliy na Viktor bari bakatiwe rwagihinduye igifungo gisubitse. Anatoliy ntazakora imirimo ifitiye igihugu akamaro. Viktor we yahise arekurwa. Igifungo gisubitse Irina yari yarakatiwe nticyahindutse. Ntibizaba ngombwa ko ajyanwa muri gereza.
Ku itariki ya 14 Ugushyingo 2022, urukiko rw’umugi wa Georgievskiy mu gace ka Stavropol rwahamije icyaha Anatoliy n’umugore we Irina na Viktor. Anatoliy yakatiwe kumara imyaka ine n’amezi abiri akora imirimo ifitiye igihugu akamaro. Irina yakatiwe igifungo gisubitse cy’imyaka ine n’amezi abiri. Viktor we yakatiwe igifungo cy’imyaka itandatu n’amezi abiri kandi yahise ajyanwa muri gereza.
Uko ibintu byakurikiranye
Ku itariki ya 23 Ukwakira 2019
Abashinzwe umutekano basatse amazu y’imiryango itatu y’Abahamya ba Yehova yo mu mugi wa Georgievsk. Abashinzwe umutekano bahishe muri ayo mazu ibintu bazaheraho bashinja ibyaha abo Bahamya. Anatoliy, Irina, Viktor n’abandi Bahamya umunani barafashwe maze bahatwa ibibazo
Ku itariki ya 30 Ukuboza 2019
Dosiye ya Anatoliy, Irina, na Viktor yashyikirijwe urukiko
Ku itariki ya 23 Mutarama 2020
Viktor bongeye kumuhata ibibazo hanyuma bajya kumufunga. Ku munsi ukurikiyeho bagiye kumufunga by’agateganyo
Ku itariki ya 23 Werurwe 2020
Viktor yavanywe muri gereza ajya gufungirwa mu rugo
Ku itariki ya 6 Gicurasi 2020
Viktor bamukuriyeho igifungo cyo mu rugo ariko hari aho atari yemerewe kurenga
Ku itariki ya 6 Ukwakira 2021
Viktor yemerewe kujya aho ashatse
Ku itariki ya 10 Werurwe 2022
Urubanza rwaratangiye
Icyo twamuvugaho
Mu gihe abavandimwe bacu bakomeje kwihangana kandi bafite ibyiringiro, twizeye ko Yehova azakomeza ‘kuba hafi y’abamwambaza bose.—Zaburi 145:18.
Ibindi wamenya
AMAKURU
Bafunzwe bazira ukwizera kwabo—U Burusiya
Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.