8 MATA 2022 | YAHUJWE N’IGIHE KU ITARIKI YA 16 GASHYANTARE 2023
U BURUSIYA

AMAKURU MASHYA—YAKATIWE | Nubwo afunzwe afasha abagize umuryango we gukomeza kuba indahemuka

FUNGURA

Ku itariki ya 15 Gashyantare 2023, urukiko rw’akarere ka Sovetskiy ruri muri Kazan, rwahamije icyaha umuvandimwe Konstantin Sannikov kandi rumukatira igifungo cy’imyaka itandatu n’igice. Kuva muri Kanama 2022, yari afunzwe by’agateganyo kandi yagumye muri gereza.

Uko ibintu byagiye bikurikirana

Ku itariki ya 25 Kanama 2020

Dosiye ye yahise ishyikirizwa urukiko nyuma y’uko abashinzwe iperereza bahishe ibyuma bifata amajwi mu rugo rwe. Abayobozi bamushinje gutegura ibikorwa by’ubutagondwa bitewe n’uko abantu bazaga iwe bakaganira kuri Bibiliya
Ku itariki ya 27 Kanama 2020

Yarafashwe ahita afungwa by’agateganyo
Ku itariki ya 26 Gicurasi 2021

Urukiko rwabujije umugore we kuza kumusura kandi rwakomeje kwanga ubusabe bwe
Ku itariki ya 20 Kanama 2021

Nibwo urubanza rwatangiye

Icyo twamuvugaho

Konstantin Sannikov

Igihe yavukiye: 1970 (Kazan muri repubulika ya Tatarstan)

Ibimuranga: Mbere y’uko afatwa yari umuhanga mu gushaka ibimenyetso bishingiye ku buvuzi bikoreshwa mu mategeko akaba n’umuhanga mu mitekerereze n’imyitwarire y’abantu. Yashakanye na Irina mu mwaka 1992. Bafite abana bane

Yatangiye kwigana Bibiliya n’Abahamya ba Yehova mu mwaka wa 1994 kandi aba ari nabwo abatizwa

Ibyo Irina, umugore wa Konstantin yavuze a

Ni mu buhe buryo umugabo wawe yita ku muryango kandi afunzwe?

Nubwo Konstantin afunzwe adufasha gukomeza kuba incuti za Yehova. [Akoresha amabaruwa,] akatwoherereza ibitekerezo aba yakoreye ubushakashatsi, inkuru ziteye inkunga kandi akanatubwira ibyo aba yaganiriye n’izindi mfungwa. Anatubwira uko Yehova asubiza amasengesho ye.

Buri wa Gatanu [Njye n’abana] tugira gahunda y’iby’umwuka mu muryango nk’uko byahoze mbere. Iyo tuyirangije twandikira Konstantin ibaruwa tukamubwira ibyo twaganiyeho. Nawe atwoherereza ibitekerezo bye kuri iyo ngingo. Rimwe na rimwe hari igihe aduha umukoro, urugero nko kuririmba zimwe mu ndirimbo zacu cyangwa gukorera ubushakashatsi ingingo runaka.

Mu gihe Konstantin akomeje gufasha abagize umuryango we gukomeza kuba incuti za Yehova, twizeye ko Yehova nawe azakomeza kwita ku bagaragu ‘be.’—1 Timoteyo 5:8.

a Bitewe n’uko umuvandimwe Sannikov afunzwe by’agateganyo, ntitwabashije kubona uko tumuvugisha.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU